"Оушеннинг 11 дўсти" режиссёри Reddit камерасидан воз кечиб, бу смартфонда кино оляпти

Таниқли режиссёр Стивен Содерберг ўзининг навбатдаги фильмини iPhone 7 Plus флагманида суратга олишга аҳд қилди.

Бу ғоя жаҳоннинг нуфузли форумларидан бири бўлган Reddit анжуманида тасодифан туғилган. Форумнинг савол-жавоблар қисмида иштирокчилардан бири Содербердан фильм олиш мақсадида молиявий ҳомий излаб юрган ёш режиссёр нима қилиши кераклиги тўғрисида сўрайди. Унга жавобан Голливуд режиссёри шундай жавоб беради: «Сценарий ҳамда iPhone'ни олиб,тасвирга олишни бошлаш керак. Гапларим жиддий». Тўлиқ айфонда кино олиш лойиҳасининг ибтидоси ана шу жавоб бўлди.

Батафсил ўқинг: iPhone 7 Plus: Кучли. Ишончли. Қимматбаҳо. | Тўлиқ тавсиф

Содерберг янги фильмини «Беҳушлик» (Unsane) деб номлаган. Унда Голливуднинг таниқли актёрлари Клер Фой («Афсун даври») ҳамда Жуно Темпл («Жаноб ҳеч ким» бош ролларни ижро этади.

Содербергга қадар кореялик таниқли кино ижодкор Пак Чхан Ук 2011 йилда  Apple'нинг iPhone 4 смартфонида "Тунги балиқ ови" фильмини суратга олган. Бу кинокартина Берлин кинофестивали ғолиблигини қўлга киритган.

Стивен Содерберг — «Оушеннинг 11 дўсти», «Оушеннинг 12 дўсти» каби таниқли фильмларни билан ном қозонган.