Ўзбекистонда инновацион кўзойнак ихтиро қилинди
Ўзбекистон Республикаси Интеллектуал мулк агентлигининг маълум қилишича, Ўзбекистонда инновацион жиҳатларга эга илк кўзойнак ихтиро қилинди.
Тиббий техника соҳасида фойдаланувчи ушбу кўзойнак линзали гардиш, видеокамера каби қисмлардан таркиб топган. Агентлик сайтида ёзилишича, қисмларнинг бошланғич участкасининг ички томони бўш ҳамда унинг қолган қисмлари резина қопламаси билан ўраб олинган.
Кўзойнакка Wi-Fi сигналларини қабул қилувчи ва узатувчи модул, аккумулятор батареяси ўрнатилган. Кўзойнак гардишининг синчидаги планкага намни олувчи қоплама ётқизилган.
Кўзойнак синчининг ўртасида видеокамера ва унинг устида ёритгич ўрнатилган. Wi-Fi модули ўнг ва чап бандларнинг тегишли ички бўшлиғида ўрнатилган.
Муаллифлар жамоаси: Салиев Акрамжон, Насирова Феруза, Норалиева Мохинур, Жалолиддинов Давронбек ва Ўрмонов Фарруҳлар томонидан яратилган ушбу фойдали модел учун "ФАП 01249" рақамли патент берилди.
