Ўзбекистонда суперкомпьютер пайдо бўлиши мумкин

Ўзбекистонда суперкомпьютер пайдо бўлиши мумкин

Ўзбекистонда яқин йиллар ичида суперкомпьютер пайдо бўлиши мумкин. Бу ҳақида Шавкат Мирзиёевнинг ИҲТда сўзлаган нутқидан маълум бўлди. У ерда Ўзбекистон президенти барча мусулмон мамлакатларини замонавий технологияларни киритишни жадаллаштиришга чақирди.

"ИҲТнинг Доимий қўмитасининг аъзо мамлакатлар ҳудудида олтита юқори ишлаб чиқариш қувватига эга бўлган компьютер марказлари ташкил қилиш ҳақидаги тавсияномасига жавобан, ана шундай марказлардан бирини Ўзбекистон ҳудудида жойлаштиришга тайёр эканлигимизни тасдиқлайман. Биз шунингек, ёш олимлар тажриба ва билим алмашиши учун ислом ёш олимларининг халқаро марказини ташкил қилишга ҳам тайёрмиз", — деди давлат раҳбари. 

Ундан ташқари Ўзбекистон президенти ислом мамлакатлари бугунги кунда замонавий технологияларни қўллашда, фан ва техника ривожланишида етакчи мамлакатлардан орқада қолганини таъкидлади.

Шунингдек, Шавкат Мирзиёев Ислом ҳамкорлиги ташкилотига, буюк ўзбек олими Мирзо Улуғбек хизматларини тан олиш белгиси сифатидиа, Самарқандда энг завмонавий телескоп ўрнатиш ҳақидаги қарори учун миннатдорлик билдирди.

Сайтимизнинг энг чиройли расмларини Инстаграмдаги саҳифамизда томоша қилинг!

Саид Мамуров

Terabayt.uz'нинг энг меҳнаткаш ходимларидан. Севимли машғулоти интернет титиб, ахборот технологияларига оид энг сўнгги хабарларни мутолаа қилиш. Бу орада уларнинг ичидан яхшиларини териб олиб, сизларга ҳавола қилиб туради.