Паролингизни бузиш қанчалик осон? Буни онлайн текшириш йўли бор!
Кўпчилик сайтлар, электрон почта хизматлари бизга имкон қадар мураккаб пароль танлашимизни уқтиришади. Бу бежиз эмас – пароль қанчалик содда бўлса, уни аниқлаш, аккаунтингизни бузиб кириш шунча осон кечади-да.
ЎҚИНГ: Хакерлар ўғирлаган пароллар орасида менинг паролим бор-йўқлигини қандай аниқлаш мумкин?
Агар бирор сервис учун танлаган паролингиз қанчалик ишончли эканлигини билмоқчи бўлсангиз, «Касперский лабораторияси» буни онлайн тарзда текшириш имконини тақдим этади.
Бунинг учун:
- Қуйидаги ҳавола орқали ўтинг: https://password.kaspersky.com/ru/
- Текширмоқчи бўлган паролингизни «Test your password» майдончасига теринг.
- Текширув натижасини кўринг.
Паролни териш майдончасининг пастида, уни бузиш учун оддий компьютерда қанча вақт керак бўлиши акс эттирилади. Агарда бу кўрсаткич ўн йилдан кам бўлса, унинг ўрнига бошқа – ишончлироқ пароль танлашни маслаҳат берамиз. Зеро, сайтда кўрсатилгани – паролингизни оддий компьютерда бузиш учун талаб этилувчи муддатдир; жиддий қасд қилган хакерлар эса уни бир неча кун ичида ҳам буза олишлари мумкин.
ЎҚИНГ: Хакерлар қандай компьютер ва операцион тизимдан фойдаланишади?