PHP ҳақида ва унинг тарихи
1994 йили PHP тилиниг яратувчиси Расмус Лердорф ўзиниг сайтига меҳмонлар киришини ҳисоблаш учун Perl дастурлаш тилида махсус қобиқ ёзиб амалда қўллаган. Кўп ўтмай қобиқни ишлаш унумдорлиги жуда паст ва секинлиги аниқланганидан сўнг, дастурларни янгидан “С” тилида ёзиб чиқишга тўғри келади. Кейин, дастлабки дастур кодлари муаллиф тарафидан барчага кўриш учун серверга нашр қилинган. Сервер фойдаланувчилари кодлар билан қизиқиб, уни ишлатиш мухлислари ҳам пайдо бўлган.
Ҳадемай, бу дастурлар алоҳида лойиҳага айланиб, 1995 йилнинг июнь ойида дастурий маҳсулот PHP (Personal Home Page) номи билан биринчи нашри чиқарилди.
1996 йил апрель ойида дастурлар жиддий қайта ишланганидан сўнг, PHP/FI (Personal Home Page / Forms Interpreter) номи билан маҳсулотнинг иккинчи нашри пайдо бўлди. Бу маҳсулот HTML-код ичига ёзилиб, HTML-формаларни қайта ишлаб, ҳозирги PHP дастурлаш тилининг таянч имконийтларини ичига олган. PHP/FI код ёзилиши Perl тилига жуда охшаган, лекин соддароқ бўлган.
1997 йили PHP/FI 2.0 нашри чиқди. Ўша пайтда бу маҳсулот билан дунё бўйича бир неча минг одам фойдаланиб, тахминан 50 минг домен бўлиб, Интернетнинг 1%-ни ташкил қилди.
1997 йилда Энди Гутманс ва Зив Сураски PHP/FI кодини бошқатдан ёзиб чиқишди, чунки эски код улар ишлатаётган электрон тижорат тизимлари учун яроқсиз эди. Эски коднинг муаллифларидан ёрдам олиш учун улар бирлашишни таклиф этиб, PHP3 номли лойиҳани PHP/FI -нинг расмий вориси деб эълон қилишди. Янги лойиҳа уюшгандан кейин PHP/FI лойиҳаси ишлаб чиқарилиши тўхтатилган.
PHP 3.0 -нинг энг кучли тарафларидан бири унинг кенгайтирала олинадиган ядроси (тизимнинг бошқарув қисми) бўлиб, бундан ташқари, маълумот жамғармалар билан, турли протоколлар ва интерфейслар билан биргаликда ишлаш кенг имкониятлари яратилди. Муваффақиятга эришишга анча аҳамиятли факт бу янги тилни бойлиги ва объектларга мўлжалланган дастурлашни қўллай олиши. Янги лойиҳа билан бирга нафақат тилни ташқи, ички тузулиши ўзгарди, балки ўзини номи ҳам. Энди PHP қисқартмаси “PHP: Hypertext Preprocessor” маъносини англатиши билдирилди.
1998 йилнинг охирида PHP фойдаланувчиларининг сони ўн минглардан ошди. Юз мингдан ошиқ веб-сайтлар бу тилни қўллашини эълон қилишди. Тахминан Интернетнинг 10% серверларида PHP 3.0 ўрнатилган эди.
1998 йилнинг июнь ойда PHP3 тўққиз ой оммавий текширувидан кейин расман эълон қилинди. Шу йилнинг қишида Энди Гутманс ва Зив Сураски PHP ядросини қайтадан ишлаб чиқаришни бошлашган. Уларнинг асосий вазифаси PHP тизимининг унумдорлигини кўтариш ва коднинг модулларини яхшилаш эди.
1999 йилнинг ўрталарида биринчи марта тақдим қилинган янги ядро “Zend Engine” деб номланган. Уни асосида тузилган янги тил PHP4 2000 йилнинг май ойида расман чиқарилган. Унумдорлик яхшилангандан ташқари, PHP 4.0 муҳим янгиликларга эга бўлиб, сессияларни қўллаш, буферли чиқариш, киритилган маълумотларни ҳавфсиз қайта ишлаш ва яна бир неча янги тил тузувчиларини пайдо бўлишидан иборат.
Ҳозирги кунларда “Zend Engine” қайта яхшиланиб PHP5 тили ишлаб чиқарилди. Асосий ўзгаришлар объектларга мўлжалланган дастурлаш моделида бўлиб, тилнинг имкониятларини янада кенгайтирди.
Манба: ITportal.uz
