Pipo KB2: букиладиган клавиатура-компьютер
Май ойида Хитойнинг Pipo компанияси Windows 10 операцион тизими остида бошқариладиган ихчам КВ2 компьютерининг савдосини бошлашни режалаштирмоқда.
Компьютер ташқи томондан йиғиладиган Bluetooth-клавиатурани эслатади. Бироқ гаджет одатий клавиатуралардан бир оз қалинроқ бўлиб, унинг ичига Intel Cherry Trail ускунавий платформасининг ҳисоб узеллари жойлаштирилган.
Ишлаб чиқувчилар Atom x5-Z8300 процессоридан фойдаланишди. Бунда 14 нанометрли ясамага 1,44–1,84 ГГц частотали тўртта ядро ва Intel HD Graphics контроллери жойлаштирилган. Қурилманинг энергия истеъмоли даражаси 2 Вт ни ташкил этади.
Компьютер-клавиатура 2 ёки 4 Гбайт техкор ҳамда 32 ёки 64 Гбайт сиғимга эга флеш-модул билан таъминланиши мумкин. Wi-Fi 802.11ac ва Bluetooth симсиз алоқа адаптерларининг ўрнатилиши ҳам кўзда тутилган.
USB 3.0, USB 2.0, Micro-USB ва HDMI портлари орқали кириш/чиқиш интерфейслари амалга оширилади. Қурилма бевосита электр таъминоти ёки 2500 мАсоат сиҳимли аккумулятор орқали қувват олиб ишлайди. Унинг нархлари ҳақида, афсуски, ҳозирча маълумотлар ошкор қилинмади.
