Pixel ва Pixel XL эгаларига Google видео ва расмларни сақлаш учун чексиз онлайн хотира тақдим қилади

Pixel ва Pixel XL эгаларига Google видео ва расмларни сақлаш учун чексиз онлайн хотира тақдим қилади

Аввал хабар берганимиздек, кеча Google компанияси АҚШнинг Сан-Франциско шаҳрида Google Pixel ва Pixel XL смартфонларини намойиш қилди. Қидирув гиганти мазкур смартфонларни харид қилган фойдаланувчиларга видео ва расмларни онлайн серверда сақлаш учун чексиз хотира тақдим қилишини ҳам маълум этган. Бундай хизматни Apple (5 ГБ) ва Samsung (15 ГБ, Samsung Cloud) каби бошқа смартфон ишлаб чиқарувчилари ҳам ўз мижозларига таклиф қиладилар. Бироқ улар ўз гаджетлари фойдаланувчиларига ажратадиган булут хотирасининг сиғими чекланган.

Эндиликда Google Pixel ва Pixel XL фойдаланувчилари 1080 пиксель (Full HD) форматигача бўлган видеолар ва турли суратларни (ҳажмидан қатьий назар) онлайн булут серверида исталган миқдорда сақлашлари мумкин бўлади, уларнинг хавфсизлиги учун Google компанияси жавобгарликни зиммасига олган.

Google Pixel ва Pixel XL смартфонларига бугундан бошлаб буюртмалар очилган. Улар икки ҳафта ичида сотувга чиқарилиши режалаштирилган.

Terabayt.uz сайтининг видеолари: Youtube'даги каналимизда!