Pokemon Go ўйинига қизиқиш камаймоқда

Pokemon Go ўйинига қизиқиш камаймоқда

Июль ойининг бошида чиқарилган Pokemon Go ўйини бир неча ҳафта ичида жуда оммалашиб кетди. Ўйин ҳақида эшитмаган одам қолмади ҳисоб, ўйин муаллифлари эса мўмайгина даромадга ҳам эга бўлишди. Аммо сўнгги таҳлилларга эътибор берсак, фойдаланувчиларнинг ўйинга бўлган қизиқиши борган сари сусаймоқда.

Мутахассисларнинг фикрича, ўйиндаги хато ва камчиликлар, компанияда читерларга (ёлғон маълумот берувчилар) қарши авж олган кураш ўйинга бўлган қизиқишни туширмоқда. Иккинчи сабаб бўйича куни кеча батафсил ёзиб ўтган эдик. Бундан ташқари, ушбу ҳолат баъзи ўйинчиларнинг ўйинда эришилиши мумкин бўлган босқичлардан ўтгани сабабли юз бераётган бўлиши ҳам мумкин.

Экспертлар ўйинда янги функция ва покемонларнинг пайдо бўлиши унга бўлган қизиқишни яна оширади, деб ҳисоблашмоқда.