Президент Ўзбекистонда интернет тезлиги 2,5 баробар ошишига ваъда берди
Президент Шавкат Мирзиёев Олий Мажлис Сенати аъзоларига Мурожаатномасида интернет тезлиги 2,5 баробарга оширилиши ҳақидаги режаларини маълум қилди.
Давлат раҳбари аҳолини телекоммуникация хизматлари билан тўлиқ қамраб олиш мақсадида узоқ туманларда 2 минг километр оптик толали алоқа тизимларини қуриш кўзда тутилаётганини маълум қилди.
Шунингдек, интернет ўтказувчанлигини 2,5 баробарга ошириш ва 4 мингдан ортиқ таянч мобиль алоқа станцияларини ишга тушириш режалаштирилмоқда.
"Мазкур чора-тадбирлар натижасида 600 дан зиёд аҳоли пункти интернет ва мобиль алоқа билан таъминланади", - дея қайд этди Президент.
