Қайта тикланган Galaxy Note 7 мухлислар шарафига номланди

Қайта тикланган Galaxy Note 7 мухлислар шарафига номланди

Кореянинг The Investor нашрининг кореялик мобил операторга таяниб маълум қилишича, қайта тикланган Samsung Galaxy Note 7 флагмани “Fandom Edition”, яъни “мухлислар” ёки “ишқибозлар” талқини деб ном олди. Смартфон ишлаб чиқарувчи флагманларини жамоатчиликка тақдим қилишдан аввал, уларни мобил операторларга намоёиш қилишини ҳисобга олсак — бу ишончли хабар.

Бунгача қайта тикланган флагманнинг Note 7R, яъни “Refurbished” (инглиз тилида «қайта тикланган») деб номланиши хабар қилинган эди. Аммо компания раҳбари унинг бу ном билан яхши сотилмаслигидан қўрқиб номини ўзгартиришга, уни мухлислар шарафига номлаб, бу орқали бренднинг чинакам мухлисларидан умиди катта эканлигини намоён қилишга қарор қилган кўринади. Натижада, мухлислар таваккал қилиб Galaxy Note 7 FE’ни сотиб олишади ва компанияга содиқ қолишади.

Ҳозирча смартфоннинг нарх-навоси ҳақида аниқ маълумот йўқ. Маълумотларга кўра, Galaxy Note 7 Fandom Edition узоғи билан 620 АҚШ долларидан сотувга чиқарилади.

Сайт янгиликларидан доимий хабардор бўлиш учун Телеграм каналимизга қўшилинг!