Қандай қилиб компютерга 2 та монитор улаш мумкин

Қандай қилиб компютерга 2 та монитор улаш мумкин

Ҳозирги кунда битта компютерга иккита монитор улаш ҳолатлари кўп учраб турибди, бунинг асосий сабабларидан бири иш жараёнини қулайлаштириш ва вақтдан ютишдир. Иккита монитор, бир неча ойналар билан ишлаш имконини енгиллаштирди(бир вақтнинг ўзида жуда кўп ойналарни очиш ноқулайлик туғдирмайди), дастурчилар учун, ёзилган код натижаларини дарҳол кўриш имконини пайдо қилди
(битта мониторда код ёзилади, иккинчисида натижа кўрилади), компютерда ўйин ўйновчилар учун эса, ўйинга бўлган қизиқишни орттирди.

Компютерга иккинчи мониторни физик улаш учун, қуйидаги уланишлардан бирини амалга ошириш лозим:

1. Бир неча портга эга видеокарта орқали.

videokarta_portlar

Битта видеокартада бир неча портлар мавжуд бўлиб, улар алоҳида-алоҳида ишлайди. Бу портлар VGA, HDMI, DVI бўлиши мумкин:

dvi_hdmi_vga

Ҳар бир монитор бу портлардан бирига уланади ва алоҳида-алоҳида ишлайди. Ҳозирги кунда бундай видеокарталарни топиш муаммо эмас, лекин бу видеокарта ишдан чиқса, иккала монитор ҳам кўрсатмайди.

2. Иккинчи мониторни сплиттер орқали улаш. Агар видеокартада бир нечта порт мавжуд бўлмаса, видеосигналларни иккига бўлиб берувчи сплиттер кабеллардан фойдаланиш мумкин, кириш битта чиқиш иккита.

splitter_2

Сплиттерларни ҳар хил портлилари мавжуд. Бу усул иккита монитор улашнинг энг оммабоп усули ҳисобланади. Арзон вариант.

3. Қўшимча видеокарта улаган ҳолда. Бунинг учун компютер платасида(материнская плата), иккинчи монитор учун разъйем бўлиши лозим.

2_videokarta

Алоҳида-алоҳида иккита видеокартага монитор уланади.

Физик уланиш усулларини кўриб чиқдик, энди созлашларни кўрамиз.

Дастлаб, қайси монитор асосий эканлигини аниқлаб олишимиз лозим. Асосий монитор бу — компютер ёнганда ёки ёнаётганда ишлатиладиган ва асосий «ярлык«лар(Мой компютер,…) жойлашадиган монитордир.

Компютер ёнгандан сўнг, қуйидаги адресга кирамиз(Windows 7 тизими учун):
ПУСК -> ПАНЕЛЬ УПРАВЛЕНИЯ -> ЭКРАН — > НАСТРОЙКА ПАРАМЕТРОВ ЭКРАНА.

nastyorka

Расмдан кўриниб турибдики, иккита монитор уланган. «Определить«тугмаси орқали қайси монитор асосийлигини билиб олиш мумкин. Созлаш ишлари шу жойда амалга оширилади.

Win+P тугмасини босган ҳолда, иккита мониторни қандай қилиб ишлатишни созлаш мумкин.

win_p

Бу расм орқали қуйидагиларни белгилаш мумкин:

— только компьютер. Фақат битта асосий монитор уланади;

— дублировать. Асосий монитор иккинчи мониторга нусхаланади. Асосий мониторда нима бўлса, иккинчисида ҳам шу кўрсатилади(кўрган бўлсангиз, пайнет шахобчаларида шу усулдан фойдаланишади, номерни клийентга кўрсатиш учун);

— расширить. Экранни узунлаштиради, яъни иккита мониторда ҳар хил ишларни бажариш мумкин бўлади(дастурчилар, ўйинчилар учун қулай);

— только проектор. Проекторларни улаш учун ишлатилади.

Керакли вариантни танланг ва роҳатланиб ишланг.

Манба: ITportal.uz

Сайтимизнинг энг чиройли расмларини Инстаграмдаги саҳифамизда томоша қилинг!