Қандай қилиб Telegram’ни бузиб киришдан ҳимоя қилиш мумкин

Қандай қилиб Telegram’ни бузиб киришдан ҳимоя қилиш мумкин

3 май куни ОАВда баъзи мамлакатларнинг махсус хизматлари Telegram мессенжеридан фойдаланувчиларнинг шахсий ёзишмаларига кириш имконини берувчи бўшлиқ топишгани тўғрисида янгилик пайдо бўлган эди. Шунинг учун биз эътиборингизга ёзишмаларингизни ҳимоя қилувчи бир неча маслаҳатни ҳавола этамиз, деб ёзмоқда Kun.Uz.

Энг аввало ёдингизга солиб қўйишни истардик: лаҳзали хабарлар билан алмашувчи Telegram доим энг ишончли мессенжерлардан бири бўлиб келган, бу унинг юқори баҳолар олишига сабаб бўлган.

Telegram’нинг шифрланган баённомаларини бузиб кириб бўлмайди, сервиснинг серверлари хавфсиз мамлакатларда жойлашган, махсус хизматлар ўзларини қизиқтирган фойдаланувчилар аккаунтига киришнинг оригинал усулини ўйлаб топишди. Улар шунчаки янги авторизация СМС-кодига сўров беришади, сўнг уни қўлга олишади. Албатта бундай операция мобиль алоқаларнинг ҳудудий операторлари билан узвий боғлиқликда амалга оширилади.

Бироқ Telegram хавфсиз хизмат кўрсата олмас экан деб жар солишнинг ҳожати йўқ. Аслида бу мессенжерда ҳар қандай ҳужумни бартараф этувчи барча зарур чоралар кўрилган. Мана энг содда ва оддий инструкция. У Android-мижоз учун ёзилган, лекин худди шундай созламаларни бошқа платформа версияларида ҳам топишингиз мумкин.

1. Telegram мобиль мижозини очинг. Чап томондан панелни тортиб Settings пунктига босинг.

2. Кейинги саҳифада Privacy and Security пунктини топинг.

tgg1

3. Privacy and Security саҳифасида бизни Security бўлими қизиқтиради. Биринчи навбатда Two-Step Verification пунктига кирамиз ва авторизациянинг қўшимча паролини ўрнатамиз. Шу туфайли янги қурилманинг фаоллашувида сиздан нафақат юборилган СМС пароль, балки сиз ҳозиргина ўйлаб топган пароль ҳам сўралади. Албатта буни сиздан бошқа ҳеч ким билмайди, шу боис сизнинг ёзишмаларингизга киришни кўзлаган ҳаракатлар бесамар кетади.

tgg2

4. Энди эса диққатингизни Active Sessions пунктига қаратинг. Унинг ёрдамида сизнинг номингизга бириктирилган барча қурилмаларни текшириш ва ортиқчасини ўчириш мумкин. Рўйхатда мижознинг номи, IP-манзили, охирги сессия вақти кўрсатилади. Барча маълумотларни кўриб чиқинг ва сизга керак бўлмаган ҳамда сиз аниқлай олмаган қурилмаларни ўчириб ташланг.

tgg3

Шу оддий ҳаракатларни амалга ошириб, сиз ҳеч бир махсус хизмат ёзишмаларингизга кира олмаслигига ишонч ҳосил қиласиз. Қўшимча чора сифатида эса махсус конфидециал суҳбатлар учун Telegram’нинг сирли чатларидан фойдаланишни унутманг.

Сайт янгиликларидан доимий хабардор бўлиш учун Телеграм каналимизга қўшилинг!