Қандай қилиб Redmi Note 5 Pro'ни текинга олиш мумкин?
Хитойлик "IT-шоввоз" Xiaomi жаҳондаги портатив электроника бозорида яққол пешқадамликни эгаллаш учун бор имкониятини ишга солмоқда. Деярли барча давлатлардаги смартфон бозорига кириб борган бренд 16 мартдан бошлаб янада катта таваккалчиликка қўл урди. Компания мухлислари бугундан бошлаб бир сўм ҳам сарф қилмасдан Xiaomi Redmi Note 5 Pro смартфонига эга бўлишлари мумкин. Ҳали бунақаси компания тарихида бўлмаган.
Xiaomi компаниясининг маълум қилишича, 16 мартдан бошлаб "Mi Exchange" дастури доирасида смартфон фойдаланувчилари ўзлари тутадиган эски мобил телефонларни компанияга топшириб, яп-янги Redmi Note 5 Pro моделига эга бўлишлари мумкин. Ромдан холи экранли, қўш камерали смартфон кўринишидан жуда ҳашамдор.
Мисол учун, хоҳловчилар ўтган йилги OnePlus 5 флагманидан воз кечиб, Xiaomi ишлаб чиқараётган замонавий кўринишдаги телефонни олишлари мумкин.
Xiaomi ҳозирча "Mi Exchange" дастурини Хитой ҳамда Ҳиндистонда амалга оширмоқда. Фойдаланувчиларнинг қўлларидаги смартфонга қўйилган нарх Redmi Note 5 Pro олиш учун етмаса, фарқни тўлаш керак бўлади. Ёки аксинча, фойдаланувчи Xiaomi'га бераётган смартфон жуда қимматга баҳоланса, компания ишлаб чиқарган бошқа қимматроқ телефонни олсангиз бўлади.
Xiaomi ҳозирча Redmi Note 5 Pro олиш учун фойдаланувчилардан 15 та смартфон брендининг телефонларини қабул қилмоқда. Одамлар олиб келаётган смартфонни нархлаш ҳам жуда оддий -- янги телефон нархининг 40 фоизи. Мисол учун, ўтган йилги OnePlus 5 моделини Xiaomi $200, Google Pixel'ни $192, Samsung Galaxy S8+ флагманини $370 АҚШ долларига баҳолаган.
Ўқинг: 20 мегапикселли Xiaomi-селфифони бугун сотувга чиқди
Redmi Note 5 Pro Хитой ва Ҳиндистонда 218 АҚШ долларидан (4+64 Гб) бошлаб, 265 АҚШ долларигача (6/64 ГБ) сотилади.
