Қайси бири арзон? Ўртача нархлар таққосланганда

Counterpoint Research тадқиқотлари бўйича энг сўнгги маълумотларда айтилишича, Samsung Electronics компанияси смартфонларининг ўртача нархи бўйича бешинчи ўринни эгаллаб турибди.

Ушбу рейтингда мазкур компания бир йил давомида учта позицияга пастлаган.

Жорий йилнинг иккинчи чорагида кореялик смартфон ишлаб чиқарувчи гигантнинг қурилмалари ўртача 8 фоизга арзонлашди ва 247 долларни ташкил этди.

ЎҚИНГ:ASUS ва MSI'да муаммо: ўйин ноутбуклари харидорларини йўқотмоқда

Яна бир таъкидлаб ўтадиган жиҳат, ўтган йили смартфонларининг ўртача  нархини туширган ягона компания ҳам Samsung Electronics ҳисобланади. Рейтингда карвонбошилик қилаётган компания ҳамон Apple бўлиб қолмоқда. Бу компания ўзининг «айфонлари» ўртача нархини 20 фоизгача, яъни 724 долларгача  кўтаргани маълум бўлди.

Samsung компаниясининг рақобатчиси, яна бир кореялик компания  LG Electronics ҳам иккинчи чоракликда смартфонларининг ўртача  нархини 190 долларгача кўтарган.

Хитой гигантлари Xiaomi ва Huawei ўзларининг девайсларини ўртача 159 ва 265 доллардан сотишмоқда.

ЎҚИНГ:Foxconn ходимлари Apple’ни 1,3 миллион долларга туширишди