Қойилмақом iPhone XI’ни томоша қиламиз!

Купертинолик гигантнинг бу йил тақдим этадиган смартфон моделлари хусусида бир-биридан қизиқ тахминлар, фикрлар билдирилмоқда. Жумладан, уларнинг номланиши, ташқи кўриниши ва ички хусусиятлари барча учун қизиқ бўлиши турган гап.

ЎҚИНГ: iPhone XI 2018 – мутлақо ромсиз илк 5G-смартфонни томоша қиламиз!

iDropNews сайти эса айрим инсайдерлик маълумотларига таянган ҳолда, iPhone XI деб номланиши айтилаётган навбатдаги флагманнинг рендер суратларини ҳам эълон қилди. Унда экран ромлари янада ингичкалаштирилган ва дисплейнинг «кемтик» жойи ҳам олдингидан-да ихчамроқ кўриниш олган.

Хабарга кўра, Apple бу гал Face ID датчикларини бевосита олд камеранинг ўзига интеграция қилмоқчи. Бу эса сенсорлар сонининг камлиги эвазига «кемтик» ўлчамини кичрайтириш имконини беради.

Айтиш керакки, «олмали» корпорация бу йилги смартфонини бешинчи авлод уяли алоқа тармоғини қўллаб-қувватлайдиган қилиб чиқариши эҳтимоли ҳам юқори.

ЎҚИНГ: 5G тармоғида ишлайдиган iPhone X ҳам чиқарилди!

Бундан ташқари, юқоридаги расмда қиёслаб кўрсатилганидек, компания экран атрофидаги ромларни янада юпқалаштиришда давом этиши айтилмоқда. Рендер суратларга кўра, бу айфонда, ниҳоят, камера модули орқа панел билан бир текисда жойлашади.

Шунингдек, барча iPhone’лар учун муҳим янгилик – иккита SIM-карта ўрнашадиган слот қўлланиши мумкин. Таҳлилчиларнинг прогнозига кўра, Apple мазкур ечимни бу йилги айфонларнинг «камида битта моделида» татбиқ этади.

ЎҚИНГ: Ниҳоят, энди iPhone’лар ҳам иккита SIM-картали бўлади!

Гарчи бу расмлар расмий эмас, балки концепт мақомида бўлса-да, янада юпқа ромли ва кичик «кемтик»ли дисплейга эга iPhone XI ҳақида тасаввур бериши билан аҳамиятлидир.

Бунгача бўлган iPhone моделлари эса Ўзбекистон бозорларида ҳам савдога чиқарилган.

ЎҚИНГ: iPhone X ва бошқа айфонларнинг сўмдаги нархлари (2018 йил 13 январь)