Qualcomm дунёдаги энг тезкор 4G-чипни намойиш этди (+видео)

Етакчи чипсозлардан бўлмиш Qualcomm компанияси янги – Snapdragon X24 LTE модемини ишлаб чиқарди. Унинг ишлаш тезлиги оптик толали кабелга нисбатан икки карра юқори!

ЎҚИНГ: Qualcomm "5G-смартфон" ишлаб чиқарувчи брендларни эълон қилди

Snapdragon X24 LTE модеми 7 нанометрлик технологик жараёнга асосланади. У дунёдаги 20 LTE тоифасига мансуб илк модем бўлиб, 2 Гбит/сония тезлигида ишлай олади. Шунингдек, мазкур кўрсаткичларга эришиш учун бу чип илғор Massive MIMO ҳамда Licensed Assisted Access технологияларидан фойдаланади.

Ушбу тезкор чип Барселонада бўлиб ўтадиган Mobile World Congress кўргазмасида кенг оммага расман тақдим этилади. Аммо унинг смартфонларга реал интеграцияси ҳали 2019 йилга бориб, Snapdragon туркумидаги процессорларнинг бирида амалга оширилади.

ЎҚИНГ: Илк ҳақиқий 5G-смартфонни қайси компания тақдим қилганини эшитдингизми?

Айтиш керакки, ўтган йилнинг октябрида Qualcomm дунёдаги биринчи 5G-модемни тақдим этган эди. Бироқ компания яна тўртинчи авлод уяли алоқа стандарти учун модем ишлаб чиқарганига қараганда, LTE базасидаги илғор технологиялар зарурати ҳали сақланиб қолади.

ЎҚИНГ: UZMOBILE аллақачон 5G технологиясини синовдан ўтказди