Қуввати энг кўпга етадиган 2017 йил флагманлари
Якунига етаётган йилда турли смартфонсозлар томонидан тақдим этилган флагманларни ўзаро солиштириб, PhoneArena сайти улардан қай бирининг аккумулятори энг кўп вақтга дош беришини текшириб кўрди.
Гарчи мазкур нашр журналистлари аввал ҳам шунга ўхшаш тест ўтказган бўлсалар-да, бу галги синов натижалари ундан сал фарқ қилади.
ЎҚИНГ: Флагманлар орасида қай бирининг батареяси энг кўп вақтга етади?
Янги синов натижаларига кўра, жорий йилнинг ёзида тақдим этилган Galaxy S8 Active бу борада етакчиликни қўлга киритган. PhoneArena тажрибаси давомида кореялик гигантнинг ҳимояланган флагмани батареясининг битта тўла қуввати билан деярли 11 соат ишлаб берди! Samsung ўз смартфонида бу даражадаги юксак автономликка 4000 мА/соат сиғимга эга аккумулятор орқали эришган. Афсуски, Samsung Galaxy S8 Active фақат АҚШда ва фақат AT&T мобил алоқа оператори томонидан сотувга чиқарилади. Нархи ҳам чакки эмас – $850 долларга тушади.
Иккинчи ўринни эса жанубий кореялик гигантнинг «ашаддий рақиби» – купертинолик корпорация томонидан ишлаб чиқарилган iPhone 8 Plus модели эгаллади. Унинг автономлиги 10 соату 35 дақиқа муддатни ташкил этди. Кўриниб турибдики, бу ҳам жуда аъло натижа бўлиб, Apple бунга аппарат ва дастурий таъминотни оптималлаштириш орқали эришган. Ахир, 2675 мА/соат сиғимли аккумуляторнинг қувватини бу қадар узоқ вақтга етказишнинг ўзи бўлмайди-да!
Гарчи купертинолик гигантнинг фаблетидан йирик фарқ билан бўлса-да, учинчи ўрин LG V30 смартфонига насиб этган. Ушбу гаджет аккумуляторини битта тўлдириш билан 9 соату 34 дақиқа узлуксиз ишлай олган. Қизиғи шундаки, LG компаниясининг G туркумидаги сўнгги флагман – G6 модели битта тўлдирилган батарея билан атиги 6 соату 6 дақиқагина ишлай олган, холос.
ЎҚИНГ: Ромсиз Oukitel K10 энг сиғимдор – нақ 11000 мА/соатлик аккумуляторга эга! (+видео)
