РАСМАН: Xiaomi Mi Note 3 ҳам Mi Mix 2 билан баравар тақдим этилади

РАСМАН: Xiaomi Mi Note 3 ҳам Mi Mix 2 билан баравар тақдим этилади

Xiaomi президенти компаниянинг яна бир флагман қурилмаси – Mi Note 3 фаблети ҳам тез орада намойиш этилиши ҳақида хабар берди. Афтидан, у ҳам Mi Mix 2 девайси билан бирга – 11 сентябрда тақдим қилинади, деб ёзади GizmoChina.

Худди Mi 6 кабилекин каттароқ

Мазкур гаджетини Xiaomi ўзининг амалдаги флагмани – Mi 6 смартфонининг каттароқ нусхаси сифатида тақдим этаётир. Mi Note 3 экрани икки ёнигача ҳам қайрилган, корпуси эса шишадан ишланган бўлади.

Mi 6 диагонали 5,15 дюймли дисплейга эга бўлса, Mi Note 3 экрани 5,7 дюймлик диагоналга эга бўлиши тахмин қилинаётир. Шунингдек, у Snapdragon 835 процессорида ишлайдиган бўлиши эҳтимоли юқори.


Xiaomi Mi Note 3’нинг тахминий хусусиятлари:

• Процессор: Qualcomm Snapdragon 835 10nm 64-бит, 8 ядроли (4x 2.2 ГГц ва 4x 2.4 ГГц );

• Экран: диагонали 5,7 дюйм, сиғими 1080x1920 пикселли;

• Тезкор хотира: 6 ГБ;

• Доимий хотира: 64 ва 128 ГБ;

• Асосий камера: қўш объективли, икки карра оптик зумга эга, 12 мегапикселли;

• Олд камера: 8 мегапикселли;

• Аккумулятор: 4000 мА/соат.

 Мазкур фаблет ҳам бир нечта модификацияли вариантларда чиқарилиши мумкин. Нима бўлганда ҳам, iPhone 8 тақдимотидан олдинги кунни кутиш учун Xiaomi ихлосмандларида камида иккита сабаб бор: ромсиз Mi Mix 2 ва катта экранли Mi Note 3.

Хабарларни тез ва осон ўқиш учун Андроид иловамизни сақлаб олинг.

DiMaX

Технологияларга қизиқувчи, бу борадаги янгиликларни имкон қадар кузатувчи ва маъқул топганларини бошқалар билан баҳам кўришни ёқтирувчи фрилансер.