Redmi 5 ва Redmi 5 Plus тренддаги илк супер-ҳамёнбоплар бўлишади

Redmi 5 ва Redmi 5 Plus тренддаги илк супер-ҳамёнбоплар бўлишади

Замонавий трендга асосланган 18:9 стандартли экранга эга арзон смартфонлар даври келди. Xiaomi Redmi 5 ва Redmi 5 Plus илк мана шундай ҳамёнбоп гаджетлардан бўлади.

Металл корпусли Xiaomi Redmi 5 смартфони орқа панелда бармоқ изи сканерига эга бўлади. Унинг қуйи қисмидан micro USB коннектори, аудио карнайлар, том қисмидан эса 3.5 мм.ли аудио туйнук ўрин эгаллайди. Смартфон ўлчами: 151.8 х 72.8 х 7.7 мм, вазни 157 грамм.

Гаджет 5.7 дюймли экраннинг пиксел сиғими 1440 х 720 белгига тенг бўлади. Xiaomi Redmi 5 платформасида Snapdragon 450 чипи, 3/4 гигабайтли тезкор хотира, 32/64 ГБ доимий хотира, 128 гигабайтгача бўлган флешкани қўллаб-қувватлайдиган бўлмача мавжуд бўлади. Xiaomi Redmi 5 куч-қуввати учун 3000 мА соат сиғимли аккумулятор масъул бўлади.

Смартфон 12 мегапикселли бош ҳамда 5 мегапикселли олд камерага эга бўлади. 2 та сим-картали мобил телефон Android 7.1.2'нинг ўзлаштирилган MIUI 9 талқини бошқарувида фаолият кўрсатади.

Xiaomi Redmi 5 Plus телефони эса 5.99 дюймли Full HD+ ( 2160х1080 пикселли) экранга эга бўлади. Ундаги 8 ядроли процессор частота тезлиги 2.0 Ггц. Смартфонда 3/4 ГБ тезкор ва 32/64 ГБ доимий хотира бўлади. Xiaomi Redmi 5 Plus куч-қуввати учун 4000 мА соат сиғимли аккумулятор масъул бўлади. Смартфон Android 7.1.2'нинг ўзлаштирилган MIUI 9 талқинида ишлайди.

Тасвирга олиш учун 12 мегапикселли бош ҳамда 5 мегапикселли олд камера масъул.

7 декабрда тақдим қилиниши кутилаётган Xiaomi Redmi 5 ва Redmi 5 Plus тилла ранг, қора, оч кўк рангдаги корпусларда сотувга чиқарилади. Уларнинг 150 АҚШ доллари атрофида сотувга чиқарилиши кутилмоқда.

Сайтимиз хабарларини Одноклассникидаги саҳифамизда кузатиб боринг!

Шуҳрат Сатторов

Журналист ва таржимон, 2012 йилдан ахборот технологиялари соҳасида фаолият юритиб келмоқда. Мобиль технологиялар, коммуникация, "электрон ҳукумат" тизими йўналишларида илмий изланиш олиб боради.