Redmi 6 фойдаланувчиларни мафтун қилмади
Жорий йилнинг бошида, аниқроғи февралда Xiaomi компанияси Ҳиндистон смартфон бозори учун Redmi Note 5 Pro смартфонини тақдим қилди. Мазкур смартфон ишлаб чиқарувчининг қўш сенсорли бош камерага эга бўлган илк ҳамёнбоп смартфони бўлди. Хитойлик корпорация дизайнерлари смартфон "истараси" устида кўп ҳам бош қотиришмади. Улар iPhone X корпусининг орқа томонини кўчириб, фақат орқасига думалоқ шаклдаги бармоқ изи сканерини жойлаб қўя қолдилар. Xiaomi Redmi 6 масаласида эса дизайнерларнинг янада дангасалашиб қолганлари маълум бўлди.
2018 йилнинг март ойидан бошлаб халқаро бозорда сотилаётган Redmi 5 ҳамда Redmi 5 Plus моделларининг ўзига хослиги сифатида 18:9 нисбатли томонлар, олд томоннинг 78% қисмини эгаллаб олган чўзинчоқ экранни айтиш мумкин. Олд панел ён томонларидаги ҳошия ҳам, экран юқориси ва қуйисидаги майдонлар ҳам смартфон "истараси"ни бузиб турибди.
Яқиндагина навбатдаги ҳамёнбоп модел бўлмиш Xiaomi Redmi 6 илк маротаба интернет тармоғида кўриниш берди. Унинг ташқи кўриниши кўпчиликни ҳозирданоқ қизиқтириб қўйган. Бу тўғридаги фикрларни ижтимоий тармоқларда кузатиш мумкин. Айниқса, экран юқорисидаги кесиқ гаджетнинг iPhone X каби кўринишга олиб келган.
Ўқинг: Galaxy S9/S9+ : суперфлагманларнинг сири!
Янги девайсда олд панелдаги экран улуши анча катталашган, яъни томонлар нисбати 19:9 стандартга етган смартфон дисплейининг бўйи янада чўзилган. Шунга қарамасдан, аксарият ижтимоий тармоқ фойдаланувчиларнинг фикрига кўра, Xiaomi Redmi 6 дисплейининг устидаги «ўйиқ» смартфонга у қадар ҳам ярашмаган. Айримлар эса бу ҳамёнбоп смартфонлар учун яхши ечим бўлганини қайд этган.
Эҳтимол, интернет тармоғида Xiaomi Redmi 6 моделининг оқ рангли талқини тарқалгани учун кўпчиликка манзур бўлмагандир. Боиси, экран ёнларидаги ҳошиялар оқ талқинда янада қўпол акс этган. Қора рангли талқиннинг кўриниши бир оз бошқача бўлар эди. Умуман олганда, 150 АҚШ долларигача бўлган нарх эвазига бундай смартфон харид қилишни ҳамма ҳам хоҳлайди.
