Redmi Note 5 AI халқаро бозорда ҳам сотувга чиқарилди
Бир фурсат аввал Хитойда Xiaomi Redmi Note 5 AI Dual Camera смартфонининг савдоси бошланган эди. "Хитойча талқин" деб ном олган бу моделдаги камералар "сунъий ақл" омилларига эга бўлгани, бир вақтнинг ўзида 4G LTE тармоғида 2 та SIM-картани қўллаб-қувватлаши ва бошқа фойдали жиҳатлари билан ажралиб туради.
Xiaomi Redmi Note 5 AI Dual Camera 5.99 дюймли ва 2160x1080 пикселли IPS LCD экрани, 8 ядроли Snapdragon 636 чипсети, 3/4/6 гигабайтли тезкор ҳамда 32/64 гигабайтли доимий хотираси, 4000 мА соат сиғимли аккумулятори билан анъанавий Redmi Note 5 моделига ўхшаб кетади.
Шу билан бирга, Xiaomi Redmi Note 5 AI Dual Camera талқинидаги бош камерасидаги 12 мегапикселли модул учун нисбатан илғор -- F/1.9 ўлчамли ёруғлик линзаси танланган (оддий талқинда F/2.2). Яна бир муҳим жиҳат -- камера 1.4 мкм пикселли суратлар муҳрлайди (оддий талқинда 1.25μm).
Шунингдек, AI Dual Camera талқинида қўш пикселли фазали автофокус функцияси татбиқ қилинган ва камера фокусни тезкор аниқлайди. Бош камерага ёрдамчи сифатида чўшимча яна бир 5 мегапикселли камера ҳам ўрнатилган.
Олд камера ҳам диққатга сазовор - 13 мегапикселли. Оддий талқинда эса 13 мегапикселли сенсор мавжуд.
Quick Charge 3.0 технологияси 4000 мА соат ток сиғимига эга аккумуляторни тезкор қувватлаш имконини беради.
Смартфон металл корпусининг ўлчами: 158,6 x 75,4 x 8,05 мм, вазни – 181 грамм.
Xiaomi Redmi Note 5 AI Dual Camera талқинидаги камералар эга бўлган "сунъий ақл" технологияси "портрет", "гўзаллик" режимларида иш беради. Қолаверса, бу талқинда қиёфа ёрдамида смартфонни блокировкадан чиқариш мумкин.
"Хитойча талқин" қадоқдаёқ Android 8.0 Oreo операцион тизимига эга бўлади. Халқаро прошивкага эга MIUI 9 эса қатор илғор имкониятларни таклиф қилади.
25 мартдан бошлаб ана шу Redmi Note 5 AI Dual Camera талқинини халқаро aliexpress.com онлайн дўкоони орқали харид қилиш мумкин бўлди.
Мобил қурилманинг стандарт модификацияси 4 гигабайтли тезкор ва 64 гигабайтли доимий хотирага эга бўлган. AliExpress платформасида Xiaomi Redmi Note 5AI Dual Camera смартфони қора, кўк, пушти ҳамда тилла ранг корпусли талқинларда сотилмоқда.
Xiaomi Redmi Note 5 AI Dual Camera смартфонини бошқа мамлакатдан туриб 258 АҚШ долларидан бошлаб харид қилиш мумкин. Ҳозирча бу модел Хитойда ҳам камёб ҳисобланади. Уни асосан онлайн платформа орқали харид қилиш мумкин. Афсуски, ҳозирча бу смартфон модели Ўзбекистонга етказиб берилмаяпти.
