Redmi Note 5 Pro самарадорликда Xiaomi'нинг бошқа смартфонлари билан куч синашди

Redmi Note 5 Pro самарадорликда Xiaomi'нинг бошқа смартфонлари билан куч синашди

Ўтган ҳафтада Xiaomi Redmi Note 5 Pro смартфони тақдим қилинган эди. Нарх борасида ўзига рақиб бўлган мобил телефонларга қараганда анча кучли жиҳат ва имкониятларга эга бўлган девайснинг процессори ҳам ўрта нархли тоифага мансуб смартфон учун ёмон эмас.

Унга ўрнатилган Qualcomm Snapdragon 636 процессорида 8 та ҳисоблаш ядролари мавжуд. Уларнинг частота тезлиги 1,8 ГГц.гача етади. Шу билан бирга, мазкур мобил қурилма Adreno 509 видео картаси билан ҳам таъминланган.

XiaomiToday нашри ходимлари томонидан Xiaomi Redmi Note 5 Pro моделининг платформа самарадорлиги таниқли AuTuTu бенчмаркида синовдан ўтказилди.

Шу билан бирга, унинг натижалари бренднинг бошқа моделлари тўплаган балл билан таққослаб кўрилди.

Имтиҳон натижаларига кўра, Redmi Note 5 Pro модели Redmi Note 5 ҳамда Redmi Note 3 моделларидан анча кучли бўлиб чиқди. Бироқ, бу модел самарали ишлашда Mi Note 3, Mi 6, Mi 5S ҳамда Mi 5 моделларидан ортда қолди. Бу моделларнинг флагман экани, кучли процессорга эга бўлгани ҳисобга олинса, буни тушуниш мумкин.

Xiaomi Redmi Note 5 Pro смартфони харидорларга биринчи навбатда смартфоннинг ромсизлиги, қўш сенсорли бош камераси билан маъқул келади.

Xiaomi Redmi Note 5 Pro'нинг ўзига хосликлари:

Экран: 5.99 дюймли, FHD+ сиғимли (2160 x 1440 пикселли), IPS матрицали, 2.5D шаклидаги безак ҳамда Gorilla Glass ҳимоя шишаси билан қопланган. Ҳар бир дюймдаги пикселлар сони -- 403 (ppi) та!!!

Процессор: 1.8 Ггц, 64 битли ва 8 ядроли Snapdragon 636; 
Видео карта: Adreno 509;
Тезкор хотира: 4 Гб / 6 Гб;
Доимий хотира: 64 гигабайт ва micro SD орқали 128 гигабайтгача катталаштириш мумкин;
Бош камера: 12 Мп (f/2.2) Sony IMX48 + 5 Мп (f/2.0), LED фоточақноқ;
Селфи камера: 20 мегапикселли (f/2.2) Sony IMX376 сенсори, илғор LED фоточқаноқ;
Операцион тизим: Android 7.1.2 Nougat'нинг MIUI 9 прошивкаси;
Алоқа: WiFi, 3G, LTE w/ VoLTE, Bluetooth 4.2, OTG, GPS, A-GPS, GLONASS, қўш SIM карта (гибрид);
Бошқа жиҳатлари: бармоқ изи сканери, инфра қизил нур;
Корпус ранглари: қора, тилла, пушти тилла, кўк;
Ўлчамлари: 158.6 x 75.45 x 8.05 мм;
Вазни: 181 грамм;
Нархи: 218 АҚШ долларидан (4+64 Гб) бошлаб, 265 АҚШ долларигача (6/64 ГБ).

Сайтимизнинг энг чиройли расмларини Инстаграмдаги саҳифамизда томоша қилинг!