Samsung 2017 йилда 100 млн дона Galaxy J смартфонларини сотмоқчи

Samsung 2017 йилда 100 млн дона Galaxy J смартфонларини сотмоқчи

Жанубий Кореянинг Samsung компанияси жорий йилда 60 млн дона Galaxy S8 флагман моделини сотишини режалаштирган. Бироқ ушбу прогноз бироз муболағали туюлади. Сабаби флагман аппаратлар қимматроқ бўлгани боис улар кутилганидай харидоргир эмас. Шундай бўлса-да, компания тайёрлайдиган Galaxy J сериясидаги смартфонлар ҳамёнбоп нарх ва нисбатан кучли техник параметрларга эга бўлгани учун жуда яхши сотилмоқда. Ушбу фактга асосланган Samsung 2017 йилда 100 млн дона J сериясидаги смартфонларни харидорларга етказишни мақсад қилган.

Манбанинг ёзишича, компания, шунингдек, жорий йилда 20 млн дона янги Galaxy A сериясидаги қурилмаларни ҳам сотишни режалаштирган. Гарчи арзон моделлар бўйича аниқ статистика келтирилмаган бўлса-да, Samsung`нинг арзон моделлари флагман қурималарга қараганда 2-3 баравар кўпроқ сотилишини кўпчиликка маълум.

Сайтимизнинг энг чиройли расмларини Инстаграмдаги саҳифамизда томоша қилинг!