Самсунг баъзи «байроқдор» смартфонларини янгиланишлар билан таъминлашни тугатмоқда

Самсунг баъзи «байроқдор» смартфонларини янгиланишлар билан таъминлашни тугатмоқда

2015 йилда сотувга чиқарилган Galaxy S6 смартфони Samsung'нинг асосий эътибор дизайнга қаратилган илк қурилмаси бўлган эди. Бироқ ушбу қурилма компания учун энди ўтмишда қолди ва Samsung бу русумдаги смартфонларни ортиқ қўллаб-қувватлашни истамаётир. Кузатувчилар бу йўл билан Samsung фойдаланувчиларни янги авлод қурилмаларини сотиб олишга мажбурламоқчи, деган фикрда.

Яқинда Samsung келажакда янгиланишлар билан таъминланадиган қурилмаларнинг янгиланган рўйхатини тақдим этган эди. Аввалига бу рўйхатда Galaxy S6 ва S6 Edge+ йўқ эди, кейинроқ бу икки қурилма яна компания томонидан қўллаб-қувватланиши маълум бўлди.

Samsung томонидан қурилмаларнинг янгиланишлар билан таъминланиши «ойлик» ва «уч ойлик» турга ажратилган. Мантиқан янги авлод қурилмалари ойлик янгиланишлар билан таъминлаб борилади. Нисбатан эскироқ қурилмалар эса «уч ойлик» эътиборга тушиб, кейинчалик рўйхатдан чиқариб юборилади. Натижада эски авлод қурилмалари эгалари янгиланишсиз қолиб, кейинроқ янгироқ смартфонларни сотиб олишга мажбур бўлади.

Янгиланишлар билан ҳар уч ойда бир таъминланиши маълум бўлган қурилмалар эгалари қисқа вақт ичида компания томонидан қўллаб-қувватлашсиз қолишларини кутишлари мумкин.

Ҳозирда ҳам машҳур бўлган Galaxy S6 ва S6 Edge+'нинг ойлик рўйхатдан чиқарилиб, кейинроқ яна қўшиб қўйилиши Samsung яқин келажакда бошқа эски авлодга мансуб смартфонларни қўллаб-қувватлаш режасида эмаслигини англатади.

Қуйида Samsung'нинг қайси қурилмалари ойлик ва уч ойлик янгиланишлар билан таъминланишини келтириб ўтамиз:

Ойлик янгиланишлар:

Galaxy S seriyasi (S9, S9+, S8, S8+, S8 Active, S7, S7 Edge, S7 Active, S6 Edge+, S6 Active)

Galaxy Note seriyasi (Note 8, Note 5)

Galaxy A seriyasi (A5 (2016), A5 (2017), A8 (2018))

 

Уч ойлик янгиланишлар:

Galaxy A3 (2017), Galaxy A7 (2017)

Galaxy J1 Mini, Galaxy J1 Mini Prime

Galaxy J2 (2016), Galaxy J5 (2016), Galaxy J7 (2016)

Galaxy J3 Pro, Galaxy J3 Pop, Galaxy J7 Pop

Galaxy J3 (2017), Galaxy J5 (2017), Galaxy J7 (2017), Galaxy J7 Max, Galaxy J7 Neo

Galaxy A8+ (2018), Galaxy J2 (2018)

Galaxy Tab S2 L Refresh, Galaxy Tab S2 S Refresh

Galaxy Tab S3 9.7, Galaxy Tab Active2, Galaxy Tab 10.1 (2016)

Note FE 

Сайт янгиликларидан доимий хабардор бўлиш учун Телеграм каналимизга қўшилинг!