Samsung бош даромадни смартфон савдосидан олмайди!
Samsung компанияси процессор ишлаб чиқариш бўйича жаҳоннинг биринчи рақамли ишлаб чиқарувчисига айланди ва кўп йиллик пешқадам ҳисобланган Intel компаниясини ортда қолдирди.
Компания 2017 йилга оид молиявий ҳисоботида эълон қилинган маълумотлар бу тўғрида гувоҳлик бермоқда.
Шу билан бирга, молиявий ҳисоботларда қайд этилишича, чипсетлар ишлаб чиқариш орқасидан 2017 йилда Intel компанияси $63 миллиард, Samsung эса $69 миллиард маблағ ишлаб топган.
Қайд этилишича, 2017 йил Intel учун омадли келган: чипсетлар савдоси ўтган йилда 6% га ошган. Жаҳонда ишлаб чиқарилган 90% компьютерларда айнан Intel процессорлари ўрнатилган. Samsung эса даромадини смартфонларга ўрнатиладиган flash-хотиралар ишлаб чиқариш ҳисобига оширган.
Шу билан бирга, Intel компанияси x86 процессорларини ишлаб чиқаришга ҳам алоҳида диққат қаратмоқда. Бироқ, анъанавий процессорлар ишлаб чиқараётган Intel компанияси билан таққослаганда, тобора ривожланаётган Samsung технологиясининг истиқболи юқори.
Экспертларнинг фикрларича, Samsung компанияси телевизор, маиший техника, дисплей ва смартфон ишлаб чиқаришда ҳам мутлоқ етакчи. Шунга қарамасдан, ўтган йилнинг охирги чорагида энг катта фойда хотира флешкалари ишлаб чиқаришдан олинган. Мазкур бутловчи қисм нархи сўнгги 2 йилда икки баробарга қимматлашган, талаб эса мунтазам ошиб бормоқда.
