Samsung Galaxy J3 (2017) моделини синовдан ўтказмоқда
Таъкидлаш керак, Samsung компаниясининг Galaxy J сериясидаги смартфонлари арзон нархи ва бир мунча кучли техник параметрлари билан харидорлар орасида яхши оммалашган.
Куни кеча Ҳиндистондаги импорт ва экспорт амалиётларини кузатадиган Zauba ресурсида SM-J327P модели остидаги янги Samsung модели аниқланди. Ушбу код Samsung Galaxy J3 (2017) моделига тегишлидир.
Модель шу йилнинг май ойида Хитой телекоммуникация қурилмаларини рўйхатга олиш базасида (TENAA) пайдо бўлган эди. Кейинчалик эса тармоқда унинг рендерлари тарқалиб кетди. Шундай бўлса-да, Samsung Galaxy J3 (2017) ҳалигача сотувга чиқарилмади. Zauba сайтида ушбу смартфон синов учун деб қайд этилган. Бу эса моделнинг тез орада тақдим этилишига ишора қилади.
