Samsung Galaxy S10’ га кўз ёйи сканерини ўрнатмайдиган бўлди
Samsung Electronics компанияси ўзининг «юбилей» флагмани – Galaxy S10’га кўз ёйи сканерлаш функцини ўрнатмайди. Жанубий Кореянинг The Bell нашри компаниянинг ахборот манбаларига таянган ҳолда ана шундай хабарни тарқатди.
Хабарда айтилишича, Samsung ҳамкорларига ўзининг Galaxy S10 серияси учун кўз ёйи сканерлаш модулидан нусхаларни буюртма беришни тўхтатган. Фойдаланувчиларнинг кўз ёйи сканери бўйича аутентификация функцияси илк бор таниқли ва нохуш хотира қолдирган смартфони – Galaxy Note 7’да қўлланилган эди, кейинчалик ушбу функция навбатдаги флагманлари учун ҳам қўлланила бошланди.
ЎҚИНГ: Samsung’дан 350 миллионта смартфон: бу режами ёки орзу?
Кутилганидек, Galaxy S10 Samsung’нинг бармоқлар изи сканерли экрани билан таъминланган илк смартфони бўлади. Шунингдек, Samsung юзни 3D-сканирлаш учун янада юпқа модулни яратиш устида ҳам иш олиб бормоқда.
Аввал тарқалган хабарларга қараганда, Galaxy S10 ва Galaxy S10+ «юбилей» флагманларининг ички кодли атамаси Beyond номи остида бўлганди. Эслатиб ўтамиз, Galaxy S9’га ҳам совдага чиққунга қадар Star, Galaxy S8’га эса — Dream, деб ном берилган эди.
ЎҚИНГ: Samsung’нинг иккита экранли смартфони – бу Galaxy S10 ёки Galaxy Note бўлиши мумкин
Маълум бўлишича, янги смартфонлар диагонали 5,8 ва 6,3 дюмли Infinity Display экрани билан таъминланади. Бошда айтганимиздек, у Samsung’нинг бармоқ излари сканери бўлган илк самартфони бўлади. Қолаверса, қурилмага янада яхшиланган юзни аниқлаш 3D-камера жойлаштирилган.
Samsung ўзининг ушбу “Шоҳ асари”ни келаси йил 8 январдан 11 январгача Лас-Вегасда бўлиб ўтадиган CES 2019 кўргазмасида намойиш этиши мумкин.
ЎҚИНГ: Samsung яна жаримага тортилди: бу сафар нақ 400 миллион долларга
