Samsung Galaxy S9’ни илк «жонли» суратларда кўринг!

  •   DiMaX
  •  2678
  •  22.02.2018 10:54

Samsung Galaxy S9’ни илк «жонли» суратларда кўринг!

Ҳар йили Samsung Galaxy смартфонларининг тақдимоти арафасида унинг жиҳатлари ҳақидаги маълумотлар ҳамда расмий фотосурати пайдо бўлади. Лекин бундан ҳам аввалроқ интернетда уларнинг «жонли» расмлари тарқалади. Бу йил ҳам худди шу ҳолат такрорланмоқда.

ЎҚИНГ: Galaxy S9 ҳамда S9+’нинг барча тафсилотлари, янги суратлари ва видеоси биттада!

Кечагина интернет кенгликларида Samsung Galaxy S9 смартфонининг биринчи ҳақиқий расми пайдо бўлди. Манбанинг хабар беришича, бу суратлар янги гаджетлар тақдимотига бағишланган ёпиқ тадбирда тушириб олинган.

Кўриб турганингиздек, фотосуратлардаги смартфон биз учун янгилик эмас – у шу пайтгача тарқалган рендер-суратлардагиси билан бир хил. Аммо бу ерда шу маълумотнинг «сизиб чиққани», шунингдек, қурилма чиндан ҳам реклама материалларидаги билан айнан бир хил эканлиги муҳим.

Аввал хабар берганимиздек, жанубий кореялик техногигант ўзининг Galaxy S9 ҳамда S9+ флагманларини 25 февралга белгиланган анжуманда расман тақдим этади. Смартфонлар учун олдиндан буюртма бериш 28 февралдан бошланиши, Samsung Galaxy S9 моделини етказиб бериш эса 16 мартдан бошланиши айтилмоқда.

ЎҚИНГ: Samsung Galaxy S9 ва S9+ нархлари «чақиб оладиган» бўлади

Сайт янгиликларидан доимий хабардор бўлиш учун Телеграм каналимизга қўшилинг!