Samsung компанияси Note 8 олган илк суратларни эълон қилди
Жаҳоннинг энг ёш смартфон ишлаб чиқарувчилари ҳам қўш объективли бош камерали мобил алоқа телефонларини сотувга чиқаришга шошган бу даврда Samsung ҳаттоки қиммат флагманларига ҳам 2 сенсорли асосий камера ўрнатишга ошиқмади. Компания қўш объективли камера технологиясини чўққисига етказиб ривожлантиришни режа қилди ва камера иловаси алгоритмини такомиллаштириш пайида бўлди.
Ниҳоят, Samsung бошқаларга ўхшамайдиган илғор суратга олиш технологиясини тақдим қилишга тайёр. 23 августда тақдим қилиниши кутилаётган қимматбаҳо Galaxy Note 8 фаблети бош камерасига 2 та сенсор ўрнатилган илк самсунг девайси бўлади. Компания ҳозирданоқ бу "қўш-кўз"нинг имкониятларини кўз-кўз қилмоқда. Ҳали бирор флагман камераси тўғрисида ишлаб чиқарувчи аввалдан бу қадар жар солмаган эди.
3 карралик яқинлаштириш функцияси
Объектни "ақлли" яқинлаштириш функцияси
Фокусни аниқлаш ва 3D технологияси
Тунги манзара битта ва қўш сенсорда олинган.
Оддий смартфон камераси олган сурат ва фаблетнинг қўш пикселли технологиясида олинган сурат.
Тунги шароитда олинган сурат.
Қайта фокус танлаш.
Samsung Galaxy Note 8 бош камераси 12 мегапикселли кенг бурчак остида суратга олувчи модул ҳамда 13 мегапикселли телефото-модул бирикмасидан иборат бўлади. Бу модулда 3 карралик яқинлаштириш технологияси жорий қилинади.
Samsung компанияси Galaxy Note 8 камерасида олинган суратларни эълон қилиб, янги технологияси нималарга қодирлигини кўрсатди.
Айтиш мумкинки, кореялик технолог ва муҳандислар янги ишланмалари орқали қўш камера имкониятлари амалда чексиз эканини исботлашди.
Орқа фон эффекти билан сурат олиш.
Смартфон кечки ва қоронғу шароитда яхши суратга олади. Унда махсус Super Night Shot ва орқа фонни хира-шира қилиб оладиган "Портрет" жанрлари бор. Суратларда кўриниб турибдики, тасвирлар табиий ва юқори динамик диапазонга эга. Бош камерадаги 2-модул сурат олингандан кейин ҳам фокусни ўзгартириш имконини беради.
Маълумотларга кўра, фаблетнинг қўш камераси учун фирманинг 3D-сурат олувчи ва "ақлли автофокус" тизимларига эга, сифат ва деталларни йўқотмасдан туриб объектни яқинлаштириш функцияси билан таъминланган сенсорлари ўрнатилади.
Galaxy Note 8 Samsung тарихидаги энг қиммат смартфон бўлади. Унинг баҳоси Кореяда 1000 доллар, Европада 1100 долларни ташкил қилиши кутилмоқда.
Ҳозиргача маълум хабарларга кўра, Samsung Galaxy Note 8 экрани "аждодлари"га нисбатан йирик бўлиб — диагонали 6,3 дюймли дисплей билан таъминланади. Galaxy S8 каби, янги гаджет учун Infinity Display экран дизайни танланади ва унинг томонлар нисбати ҳам 18.5:9 ҳажмли, Super AMOLED матрицали экраннинг пикселлар сиғими Quad HD+ (2960 x 1440 белги) бўлади.
Samsung Galaxy Note 8 фаблетига хос яна бир муҳим жиҳат -- унга Qualcomm Snapdragon 835 (Snapdragon 836) ёки Samsung'нинг Exynos 8895 процессори, 6 ГБ тезкор ва 256 гигабайтгача бўлган доимий хотира ўрнатилади.
