Samsung кутилмаганда Galaxy J7 Prime 2 арзон смартфонини тақдим қилди
Таниқли IT-бренд бўлмиш Samsung компанияси кутилмаганда ва бирор бир жиддий тадқимот тадбирисиз ўзининг расмий веб-сайтида Galaxy J7 Prime 2 смартфонини жамоатчилик эътиборига ҳавола қилди.
Galaxy J7 Prime 2 – бу афсонавий бренднинг навбатдаги ҳамёнбоп смартфонларидан бири. Уни компаниянинг ашаддий ҳамда арзон смартфонларни харид қилиш истагида бўлган чинакам мижозлар харид қилишлари мумкин. Смарфтон жиҳтлари ҳам унинг нархидан келиб чиқиб, бошланғи техник имкониятлар билан таъминланган.
2018 йилнинг 23 мартида эълон қилинган Samsung Galaxy J7 Prime 2 смартфони 5,5 дюймли, TFT матрицали, 1920 га 1080 пикселли (Full HD) экранга эга бўлган.
Унинг самарадорлиги учун корпусдан 8 ядроли Exynos 7870 процессори учун жой ажратилган. Бу чипсетнинг частота тезлиги 1,6 ГГц.ни ташкил қилади.
Девайс 3 гигабайтли тезкор ва 32 гигабайтли доимий хотирага эга бўлган. microSD бўлмачаси орқали хотирани 256 гигабайтгача катталаштириш мумкин.
13 мегапикселли (f/1.9) бош ҳамда 13 мегапикселли олд (f/1.9) камераларда яхши суратлар олиш мумкин. Гаджетнинг аккумулятор батареясининг сиғими 3300 мА соат. Ишлаб чиқарувчининг маълум қилишича, уни тўлиқ қувватлаб смартфонда 14 соат видео томоша қилиш ёки 3G тармоғида 22 соат суҳбат қуриш мумкин.
Samsung Galaxy J7 Prime 2 телефонининг корпуси металлдан ишланган бўлиб, унинг юқори ва қуйи қисмларида кўзга ташланувчи пластик улоқлардан ҳам фойдаланилган. Одатда бу ерда антенна модуллари яширилган бўлади.
Мобил қурилма ўлчамлари: 151,7 x 75 x 8 мм, вазни 180 грамм.
Ишлаб чиқарувчи смартфонга Wi-Fi 802.11n (2.4 ГГц), Bluetooth 4.1, GPS ҳамда ГЛОНАСС модуллари, шу билан бирга 4G тармоғида VoLTE овозли тармоғини қўллаб-қувватлайдиган модем, microUSB порти билан таъминлаган.
Телефонда контактсиз тўлов учун зарур бўладиган NFC модули йўқ. Смартфон Android 7.1.2 Nougat операцион тизими бошқарувида фаолият кўрсатади.
Гувоҳи бўлганингиз каби, Samsung Galaxy J7 Prime 2 телефонидаги техник жиҳатлар алоқа қуриш, интернет ва мессенжерлардан фойдаланиш, видео томоша қилиб, мусиқа тинглаш ва бошқа қатор вазифаларни амалга ошириш учун кифоя қилади. Бироқ, телефон мураккаб 3D-графикали ўйинларни қайта ишлашда қийналади.
Samsung Galaxy J7 Prime 2 ҳозирча Ҳиндистонда сотувга чиқарилган ва унинг баҳоси $215 долларни ташкил қилади. Samsung бу гаджетни қора ҳамда тилла ранг корпусларда сотувга чиқаришни режа қилмоқда.
