Samsung мовийранг Galaxy S7 Edge тайёрламоқда

Sammobile сайтининг Samsung компаниясининг Сингапурдаги ваколатхонасига таяниб хабар беришича, мовийранг Galaxy S7 Edge смартфони 5 ноябрда сотувга чиқарилиши мумкин.

Жанубий Корея фирмасининг ўзи мазкур рангдаги Galaxy S7 Edge моделига тегишли бирор рендерни эълон қилмади. Мовийранг Galaxy S7 Edge тасвирлари бундан икки ҳафта аввалроқ АҚШнинг Verizon оператори томонидан тармоқда тарқатилган. Ранг оттенкаси жиҳатидан мовийранг Galaxy S7 Edge август ойида тақдим этилган кўк рангдаги Galaxy Note 7 смартфонидан катта фарқ қилмайди.

Ҳозирча Galaxy S7 моделининг ҳам мовийранг версияси пайдо бўлиши ҳақида бирор маълумот мавжуд эмас. Бундан ташқари, Galaxy S7 Edge модели харидорлар орасида моделнинг ён экранга эга бўлмаган версиясига қараганда бир мунча яхши оммалашган. Шу билан бирга Galaxy Note 7 билан содир бўлган воқеадан кейин компания эндиликда ўзининг жорий йилнинг бошида эълон қилган S сериясидаги флагманларига янада кучли эътибор қаратишга ҳаракат қиляпти.