Samsung’нинг Android 9.0 Pie’гача янгиланувчи смартфонлари рўйхати

Жорий ойнинг бошида Google ўзининг Android операцион тизими 9.0 Pie талқинини якуний шаклда тақдим этганди. Ўшандан бери бир нечта смартфонсозлар ўзларининг айрим қурилмалари учун унга асосланган прошивкаларни чиқариб келишмоқда.

ЎҚИНГ: Android 9.0 Pie’гача янгиланувчи смартфонлар рўйхати эълон қилинди

Куни кеча Samsung корпорацияси ҳам ёпиқ тарзда ўтказилган матбуот анжуманида ушбу янги талқиндаги операцион тизимни қабул қилувчи смартфонларининг рўйхатини эълон қилди. Бу ҳақда Жанубий Корея оммавий ахборот воситалари хабар берган.

Унга кўра, Android 9.0 Pie талқинидаги прошивкагача Samsung’нинг қуйидаги моделларга мансуб қурилмалари янгиланади:

1. Galaxy S8
2. Galaxy S8+
3. Galaxy Note 8
4. Galaxy A8 (2018)
5. Galaxy A8+ (2018)
6. Galaxy A6 (2018)
7. Galaxy A6+ (2018)
8. Galaxy S9
9. Galaxy S9+
10. Galaxy Note 9

Аммо мазкур девайсларга янги – «пирогли» Android базасидаги прошивканинг қачон етиб келиши маълум қилинмаган. Кузатувчиларнинг фикрича, жанубий кореялик техногигант ўз мобил қурилмалари учун ушбу янги дастурий таъминотни кейинги йилда тақдим этса керак.

ЎҚИНГ: Android 9 Pie’га ўтмоқчимисиз? Ёдда тутинг: орқага йўл йўқ!