Samsung’нинг йиғиладиган смартфони рендерларда пайдо бўлди
Samsung компаниясининг йиғиладиган форм-фактордаги смартфон устида ишлаётгани борасида бир неча йилдан бери турли миш-мишлар юрибди. Бу гал эса Sammobile нашрида яна Жанубий Корея гигантининг тахминларга кўра Project Valley (иккинчи номи Galaxy X) деган йиғиладиган смартфонига қарашли рендерлар эълон қилинди.
Samsung’нинг сўнгги патентлариларидан бирида смартфонни йиғишга хизмат қиладиган механизм батафсил таърифланган. Патентда кўрсатилганидек, Project Valley ёки Galaxy X корпусининг ўртасига телефонни букишга ёрдам берадиган махсус механизм ўрнатилади. Бундан ташқари, мазкур смартфон телефоннинг ҳолатига қараб ўзгарадиган интерфейсга эга бўлиши ҳам тахмин қилинмоқда.
Ҳозирча Galaxy X қачон намойиш этилиши номаълум. Аммо тақдимот 2017 йилда бўлиб ўтиши кутилмоқда.