Samsung ўзининг Galaxy X буклама смартфонини «махфий йиғилиш»да кўрсатди

  •   DiMaX
  •  2007
  •  18.01.2018 10:23

Samsung ўзининг Galaxy X буклама смартфонини «махфий йиғилиш»да кўрсатди

Яқинда бўлиб ўтган Consumer Electronics Show (CES) 2018 кўргазмасида технологик компаниялар ўзларининг кўплаб янги қурилмаларини намойиш этишди. Шу билан бирга, хабарларга кўра, айрим компаниялар ўзларининг янги ишланмаларини «ёпиқ эшиклар ортида» – кенг оммадан махфий тарзда, тор доирада кўрсатишган.

ЎҚИНГ: CES 2018: LG янги телевизорини рулонда олиб келди

Жумладан, жанубий кореялик техногигант ўзининг буклама (ёки, таъбир жоиз бўлса, «қайишқоқ») смартфони – Galaxy X моделининг прототипини тор доирада тақдим этган. Янгича қурилмага муносабатларини билиш учун, Samsung бу даврага турли гуруҳлар вакилларини таклиф қилган.

Гувоҳлардан бирининг сўзларига кўра, кореяликларнинг буклама смартфони диагоналига 7,3 дюймлик қайишқоқ OLED-дисплейга эга. Дизайннинг икки хил варианти кўзда тутилган – «йиғма» ҳамда китобсимон букланувчи вариантлар. Ҳар иккаласида ҳам смартфонни худди қоғозни буклагандек букиш мумкин. Гаджетнинг экрани полимер OLED материалидан ясалгани тахмин қилинмоқда.

ЎҚИНГ: Инқилобий буклама смартфон – Galaxy X тақдимоти ва савдога чиқарилиш вақти айтилди

Шунингдек, Бутунжаҳон интеллектуал мулк ташкилоти томонидан Samsung Galaxy X моделининг чизма-сурати эълон қилинган. Расмда ягона қайишқоқ дисплейга эга смартфон акс эттирилган бўлиб, уни қоқ белидан букиш мумкин.

Samsung вакилининг сўзларига кўра, компания Galaxy X девайсини улар ҳали кейинги – 2019 йили тақдим этишади; бу эса аввал тарқалган хабарларга зиддир. Хулласи калом, жорий йилда ZTE Axon M моделига жиддий рақиб чиқишини кутмасак ҳам бўлади, ҳар ҳолда, кореяликлар бунақа қурилмани намойиш этишга шошилишмаяпти.

ЎҚИНГ: Биринчи буклама смартфон – ZTE Axon M тақдим этилди! (+видео)

Terabayt.uz сайтининг видеолари: Youtube'даги каналимизда!