Samsung президенти қамоқ жазосига ҳукм қилинди

Samsung компанияси ҳамда Корея Республикасининг аввалги ҳукумати ўртасидаги можаролар боис, бир муддат аввал мамлакат президенти истеъфога чиқарилган эди. Куни кеча эса, Ли Жэён — кореялик бизнесмен ва миллиардер, «Samsung Electronics» компанияси вице-президенти Корея Республикасининг собиқ президентига пора берганликда айбланиб, 5 йиллик қамоқ жазосига ҳукм қилинди.    

Улкан конгломерат меросхўри бўлган Ли Жэён суд қарорига нисбатан бирор муносабат билдирмаган. Унинг адвокати эса мазкур қарорнинг тез орада қайта кўриш бўйича ариза берилишини айтган.

Мамлакатнинг собиқ раҳбари Пак Ин Хега 38 миллион доллар миқдоридаги пора беришдан ташқари Ли Жэёнга хориждаги бизнесларни яшириш ва молиявий жиноятларга қўл уриш, солиқлардан бўйин товлаш айбловлари қўйилган ва прокурорлар унга 12 йиллик қамоқ жазоси берилишини талаб қилишган.  

Samsung мазкур пулларни Пак Ин Хенинг яқин дугонаси Чой Сун Силнинг Германияда от спортини ўрганаётган қизининг машғулотлари учун ҳомийлик ёрдами сифатида тўлаб берилгани тўғрисида баёнот берган.

Судда қайд этилишича, Ли Жэённинг бу миқдордаги маблағни беришидан мақсади мамлакат президентининг қўллаб-қувватлаши ёрдамида Samsung Electronics'даги ўрнини мустаҳкамлаш бўлган.