Samsung йирик смартфон бозорида енгилди! Уни ким мағлуб қилди?

Samsung йирик смартфон бозорида енгилди! Уни ким мағлуб қилди?

Сўнгги молиявий ҳисоб-китобларга кўра, Ҳиндистон смартфон бозорида бир неча йиллардан бери етакчи бўлиб келган Samsung компанияси орқага чекинди ва ўз ўрнини қўлдан бой берди. Бир нечта манбаларнинг тасдиқлашларича, бу йирик смартфон бозорининг янги қироли хитойлик Xiaomi компанияси бўлди.

Таниқли Canalys тадқиқотларига кўра, 2017 йилнинг сўнгги кварталида Xiaomi Ҳиндистонда 9 млн дона смартфон сотган. Samsung'да эса бу кўрсаткич 7,3 млн донани ташкил қилади.

Умумий ҳисоблаганда, Ҳиндистонда сўнгги чоракда сотилган смартфонларнинг 50% қисми айнан шу брендлар томонидан ишлаб чиқарилган. Аниқроқ айтганда, Xiaomi бу бозорнинг 27%, Samsung — 25% қисмини эгаллаб олган. Яъни, Samsung 30 миллион дона смартфон сотган бўлса, хитойлик ишлаб чиқарувчи эса 31 миллион донага яқин девайс сотишга эришган.

Xiaomi компанияси 240 долларгача бўлган гаджетлари, хусусан Redmi Note 4, Redmi Note 4X, Mi A1, Mi5Х каби моделларининг оммабоплиги ҳисобига мазкур натижага эришган.

Диаграммадан ҳам кўриниб турибдики, Ҳиндистонда Xiaomi смартфон савдоси охирги пайтга келиб 2 баробар, кореяликнинг смартфон бозори эса 17% га катталашган.

Сайтимизнинг энг чиройли расмларини Инстаграмдаги саҳифамизда томоша қилинг!