Sharp рамкасиз смартфон прототипини кўрсатди

Sharp рамкасиз смартфон прототипини кўрсатди

Япониянинг Sharp компанияси CeaTech 2016 кўргазмасида Sharp Corner R номли рамкасиз смартфон прототипини намойиш этди. Бу ҳақда hi-tech.mail.ru ресурси хабар берган. Прототип икки ён томон ва юқорида жуда ҳам ингичка, деярли кўзга кўринмайдиган рамкалар билан ўралган. Қурилманинг пастки қисмида кенгроқ, бир қанча функцияларни бажарадиган панель жойлаштирилган.

d1 (2)

Рамкасиз смартфонга Full HD форматидаги 5,2 дюймли экран ўрнатилган. Экрандаги бир дюймда 445 та пиксель (ppi) мавжуд. Дисплей олд панелнинг 90% майдонини эгаллаган бўлиб, қайрилган 2,5D-ойна билан қопланган. Ҳозирча прототип ҳақида бошқа маълумотлар ошкор этилмаган. Агар япон компанияси мана шундай дисплейга эга смартфонларни ишлаб чиқаришнинг уддасидан чиқса, шубҳасиз, улар жаҳон бозорида анча харидоргир бўлиши мумкин. Таъкидлаш лозим, Sharp Corner R ҳозирча шунчаки прототип модель, унинг тижорат версиясига бироз ўзгартиришлар киритилиши эҳтимолдан холи эмас.

d1 (1)

Эслатиб ўтамиз, бу Sharp’нинг рамкасиз смартфон тайёрлашдаги илк уриниши эмас. Фирма 2014 йилда олд камераси қуйи панелда жойлашган рамкасиз гаджетни намойиш қилган эди. Ушбу смартфон фақатгина Японияда сотувга чиқарилиб, кутилган натижани келтирмаган эди.

Сайт янгиликларидан доимий хабардор бўлиш учун Телеграм каналимизга қўшилинг!