Sony жаҳондаги энг яхши селфи олувчи Xperia XA Ultra’ни намойиш қилди

Sony компанияси янги Android-смартфон – Xperia XA Ultra’ни жамоатчиликка намойиш қилди. Мазкур “ақлли гаджет” Xperia X смартфон оиласининг 4-вакилидир. Xperia XA Ultra номидан кўриниб турибдики, бошқа моделларга қараганда янада инновацион ва юпқа гаджет. Смартфон корпусининг конструкциясида 2,5D шаклидаги букик ёки қайрилма экран ҳамда металл орқа панелдан фойдаланилган.

Смартфон 6 дюймли 1920×1080 белги (1080p) сиғимли сенсор экранга эга. Йирик дисплейга қарамасдан, корпуснинг юпқалиги ва смартфонда бир қўлда бошқариш режимининг жорий қилингани аҳамиятли.

Телефон аппарати Android 6.0.1 Marshmallow мобиль операцион тизимида фаолият кўрсатади.

Sony Xperia XA Ultra’да 8 ядро, 64 битли, алоқанинг Cat.6 LTE технологиясини қўллаб-қувватлайдиган Mediatek (Helio P10 MT6755) процессоридан фойдаланилган. Гаджетнинг тезкор хотирасининг сиғими  3 Гбайт, доимий ички хотира эса 16 Гбайт. Шунингдек, microSD бўлмачаси орқали хотирани 200 ГБ.гача кенгайтириш мумкин.

Xperia XA Ultra мобиль алоқа воситасининг муҳим жиҳати унинг 16 МП олд камерасидир. Мазкур камера юқори даражадаги сезувчанлик қобилиятига эга. Шу боис, кўпчилик экспертлар унинг “энг яхши селфи олувчи смартфони” бўлишини тахмин қилишмоқда.

Инновацион фоточақноқ олд камерага ёруғлик паст шароитда ҳам аниқ-тиниқ суратлар олишга ёрдам беради. Шунингдек, олд камера оптик барқарорлаштириш тизимига ҳам эга. Қолаверса, олд камера юз имо-ишораси, тана ҳаракати билан ҳам бошқариш мумкин.

Смартфоннинг бош камераси эса  21,5-Мп (Sony Exmor RS) бўлиб, у гибрид автофокус тизимига эга. Бош камера тезкор фаолият кўрсатиш жиҳати билан рақобатда етакчилик қилиш айтилмоқда.

Xperia XA Ultra алоқа воситасининг электр сиғими 2700 мА соат бўлган аккумулятори автоном режимда 2 суткалик суҳбатга дош беради.  Quick Charger UCH122 – тезкор қувват олиш технологияси қурилмани 10 дақиқа қувватлаб, ундан 5.5 соат фойдаланиш имконини беради.

Смартфон ўлчамлари: 164,2 x 79,4 x 8,4 мм, вазни 190 грамм.

Гаджетнинг  баъзи талқинлари 2 та SIM-картани қўллаб-қувватлайди.

Смартфонда масофа-оралиқ, ёруғликни автомат аниқлаш, акселерометр и гироскоп каби сенсор-датчиклардан фойдаланилган.

Xperia XA Ultra смартфони жорий йилнинг июль ойида савдо пештахталарига чиқарилади. Нарх масаласида аниқ бир маълумот йўқ. Мутахассисларнинг фикрича, Xperia XA Ultra’нинг 450 АҚШ доллари атрофида сотувга чиқиши унинг смартфон бозоридаги муваффақиятини таъминлайди.