Sony PS4 учун иккита янги жойстик чиқарилади
DualShockers сайтининг ёзишича, Япониянинг Sony компанияси шу йилнинг охиригача Sony PS4 учун Razer Raiju ва Nacon Revolution номли иккита янги жойстикни намойиш қилишини маълум этган. Янги аксессуарлар, асосан, профессионал ўйинчилар ва eSports турнирлари иштирокчиларига мўлжалланади.
Razer Raiju замонавий эргономика ва спорт ўйинлари учун тугмаларнинг янада қулай жойлашувига эга. Жойстикда иккита қўшимча шифт ва ечиладиган триггерлар мавжуд. Гаджетнинг олд қисми бир қадар янги дизайнда ишланган, унда наушниклар слоти қўзда тутилган.
Nacon Revolution версияси ҳам аввалги жойстик бажарадиган вазифалар учун мўлжалланган. Ундаги тутқичлар амплитудаси 46 градус. Тўртта қўшимча ёрлиқ-тугмаларига эга.
Ҳозирча жойстикларнинг нархи ошкор этилмаган.
