Статистика: Android 6.0 янада оммалашди, Android 2.2 рейтингдан чиқарилди

Google компаниясининг ҳар ой чиқариладиган Android версиялари фрагментациясига оид рейтингнинг 2017 йил январь ойидаги нашрида жиддий ўзгаришлар кузатилди.

3D News нашрининг маълум қилишича, аввалроқ рўйхатнинг энг сўнгги поғонасида келган  ва айни вақтда 0,1 фоиз улушга эга Android 2.2 Froyo версияси мазкур рейтингни расман тарк қилган.

Энг сўнгги Android 7.0 (0.5%) ва 7.1 (0,2) версиялари эса тез орада 1% кўрсаткични қайд этиши мумкин.

Ҳозирча Android 6.0 Marshmallow энг оммабоп версия бўлиб қолмоқда (29,6%), ундан кейинги ўринни эса Android Lollipop келмоқда (23,3%). Шу билан бирга, 1,2% улушга эга бўлган Android Gingerbread версияси тез орада рўйхатни тарк этиши кутилмоқда.