Таниқли инсайдер Galaxy S9’нинг савдога чиқиш вақтини «сотиб қўйди»
Жанубий кореялик корпорациянинг навбатдаги флагманлари – Galaxy S9 ҳамда Galaxy S9+ айни дамда энг кутилаётган смартфонларидандир. Samsung Electronics мобил қурилмалар бўлими раҳбари ўтган ҳафтада тасдиқлашича, бу икки қурилма MWC 2018 тадбирида намойиш этилади.
ЎҚИНГ: Samsung расман Galaxy S9 тақдимот санасини маълум қилди
Энди мазкур қурилмаларнинг савдога қачон чиқарилиши масаласига ойдинлик киритиш қолаётган эди. Мазкур маълумотни эса машҳур инсайдер Эван Бласс ўзининг Твиттер-аккаунти орқали маълум қилди. Унинг таъкидлашича, бу ҳақда ғилофсоз компаниялардан бирининг топ-менежери айтган.
Хулласи калом, агарда Эван Бласс берган хабар тўғри чиқса (одатда шундай бўляпти), у ҳолда Samsung ўзининг янги смартфонларини 26 февралда оммавий намойишга тақдим этади. Унга олдиндан буюртма бериш биринчи мартдан бошланади. Дўконларга эса Galaxy S9 ҳамда Galaxy S9+ моделлари 16 мартда чиқарилади.
Ушбу девайсларнинг нархлари ҳақида ҳозирча аниқ маълумотлар йўқ. Samsung’нинг шу пайтгача тақдим этилган смартфонлари эса Ўзбекистонда ҳам савдога қўйилган.
ЎҚИНГ: Samsung смартфонларининг кредит бўйича сўмдаги нархлари (2018 йил 12 январь)