Telegram’га қарши беҳуда жанг: Роскомнадзор адашиб, Amazon IP-манзилларига киришни ёпиб қўйди

  •   DiMaX
  •  569
  •  17.04.2018 08:43

Telegram’га қарши беҳуда жанг: Роскомнадзор адашиб, Amazon IP-манзилларига киришни ёпиб қўйди

Фойдаланувчиларнинг ёзишмаларини шифрлаш калитларини бермагани сабабли, Роскомнадзор мамлакат ҳудудида Telegram мессенжерини блоклай бошлаганидан хабарингиз бор. Кеча – 16 апрелда нафақат Россияда, балки бошқа мамлакатларда ҳам бу илованинг ишлашида муаммолар юзага келди.

Оммавий ахборот воситаларининг ёзишича, Роскомнадзор мамлакатда Telegram’нинг фаолиятини тўхтатиш учун IP-манзилларни блоклай бошлаган. Бу эса кутилмаган ҳолатларга олиб келган. Жумладан, Amazon билан боғланган нақ 655 532 та IP-манзил блокланиб қолган.

ЎҚИНГ: Telegram'нинг Ўзбекистонда маълум вақт ишламай қолиши Россиядаги воқеалар билан боғлиқми?

TJournal нашрининг ёзишича, блокланиб қолган IP-манзиллар 52.58, 18.196, 18.194, 35.156 билан бошланади. Бу эса шу билан боғлиқки, Telegram чекловни айланиб ўтиш учун Amazon IP-манзилларидан фойдалана бошлаган.

Хабарда аниқлик киритилишича, айрим манзиллар чиндан ҳам блокировкани айланиб ўтишда қўлланган. Роскомнадзор реестрида кўрсатилган IP-манзиллар Telegram билан боғлиқ эмас, шунга қарамай, регулятор улардан бир неча мингтасига уланишни ёпиб қўйган.

Шу билан бирга, Telegram тўлиқ блокланиб ҳам қолмаган – айрим ҳолларда у VPN ёки прокси-серверларсиз ҳам ишламоқда. Хуллас, воқеалар ривожи қизиқ кетаётир, уларни биз билан бирга кузатинг.

ЎҚИНГ: Айни Telegram блокланаётганида, Opera VPN – чекловни «айланиб ўтиш» сервиси ҳам тўхтатиляпти

Сайтимизнинг энг чиройли расмларини Инстаграмдаги саҳифамизда томоша қилинг!

DiMaX

Технологияларга қизиқувчи, бу борадаги янгиликларни имкон қадар кузатувчи ва маъқул топганларини бошқалар билан баҳам кўришни ёқтирувчи фрилансер.