Telegram’нинг ўнта йирик камчилиги бор, биласизми?

  •   DiMaX
  •  4541
  •  26.02.2018 11:55

Telegram’нинг ўнта йирик камчилиги бор, биласизми?

Исталган бир илованинг ижобий томонлари, имкониятлари ҳақида интернетдан кўплаб маълумотлар топса бўлади. Жумладан сайтимизда Telegram мессенжери хусусида бир қатор мақолалар, хабарлар ва йўриқномалар эълон қилинган.

ЎҚИНГ: Telegram’даги маълумотларингиз қанчалик махфий?

Бугун эса аксинча – ушбу оммабоп мессенжернинг камчиликлари, аниқроғи – унга етишмаётган ўнта функция ҳақида маълумот бермоқчимиз. Тўғри, идеал илова бўлиш учун Telegram’га бундан бошқа янгиликларни ҳам қўшиш керакдир, аммо мана шу ўнтаси –  фикримизча, айни кунда энг муҳимларидандир.

Қани, кетдикми?

  1. Ушбу мессенжерда ёзишмаларни сақлаб қўйиш ва захира нусхасини яратиш функцияси йўқ. Унда ўзаро алмашилган барча хабарлар фақатгина Telegram серверларида (махфий чатлардан ташқари) ҳамда фойдаланувчиларнинг қурилмаларидагина сақланади. Шунингдек, скриншот қилиб, расм тарзида сақлаб олиш имкони мавжуд.

ЎҚИНГ: Telegram’даги ёзишмани бутунлигича сақлаб олишни биласизми?

  1. Telegram’да фойдаланувчи ўзининг «Онлайн» мақомини яшира олмайди. Тўғри, буткул «кўринмас» бўлишнинг имкони йўқ, аммо мессенжерга охирги бор кирган вақтингизни яширсангиз бўлади.

ЎҚИНГ: Facebook’да тўлиқ кўринмас бўлишнинг оддий усули

  1. Telegram’да видеоқўнғироқ қилиш функцияси мавжуд эмас. Дастурчилар жамоасининг маълум қилишича, улар бунинг устида ишлашмоқда, аммо бошқа кўплаб мессенжерларда мавжуд бўлган шу функция ҳозирча бу иловада йўқ.
  2. Агарда гуруҳли чатнинг маъмури (администратори) бўлмасангиз, унга янги суҳбатдош қўша олмайсиз.
  3. Мазкур иловада гуруҳлар бўйича ажратиш имкони йўқ. Яъни, унда ўз контактларингизни, дейлик, «ишхонадагилар», «дўстларим» ва «қариндошлар» каби гуруҳлай олмайсиз.

ЎҚИНГ: Хушхабар: Telegram’да каналларни гуруҳлаштириш мумкин бўлади

  1. Ўчириб юборилган аккаунтни қайта тиклашнинг иложи йўқ. Агарда сиз бирор гуруҳнинг маъмури бўлсангиз, лекин аккаунтингизни ўчирган бўлсангиз, сўнгра қайтадан ўша рақамингизда аккаунт очсангиз ҳам, ўша маъмурлик ҳуқуқингизни қайтариб ололмайсиз. Қайтадан бошқа гуруҳ очишингизга тўғри келади.
  2. Агарда спам тарқатганлик учун аккаунтингиз вақтинчалик блокировкага тушиб қолган бўлса, блокланиш муддатини қисқартиришнинг иложи йўқ.
  3. Яратилган стикер-пак номини ўзгартириб бўлмайди. Шундай экан, агарда ўзингиз стикерлар тўплами яратишни ният қилсангиз, уни қандай номлаш ҳақида бошиданоқ жиддий ўйлаб кўрганингиз маъқул.

ЎҚИНГ: iOS Stickers дастури орқали Telegram учун стикерлар қандай яратилади?

  1. Telegram’да гуруҳли қўнғироқларни амалга ошириш функцияси мавжуд эмас.
  2. Агарда ўз аккаунтингизга юзернейм (ник) белгилаб қўйган бўлсангиз, уни қидирувдан яшириб бўлмайди. «Фойдаланувчи исми» («Имя пользователя») банди орқали ўз аккаунтингизга ник олгач, шу юзернейм бўйича сизни топиш мумкин.

ЎҚИНГ: Telegram’да нотаниш контактлар пайдо бўляптими? Бартараф этамиз!