Телеграм ва Вконтакте ижтимоий тармоқларининг асосчиси — Павел Дуров ҳақида фактлар

Саид Мамуров
1726
22.05.2016 16:09

Телеграм ва Вконтакте ижтимоий тармоқларининг яратувчиси, 30 ёшида миллиардер(рубль бўйича) бўлган россиялик дастурчи Павел Дуров 1984 йил 10 октябрда туғилган.

11 ёшидан бошлаб Дуров дастурлашга қизиқади ва мактаб компьютерларининг паролларини осонлик билан аниқлашга ҳаракат қилади ва бунга эришади ҳам. Ўша пайтларда у дастурлашни чуқур ўрганиб, мактабдаги барча компьютерларнинг “заставка” ларини дастур орқали ўзгартириб қўяди.
2006 йилда Павел Санк Петербург давлат университетининг филология факултетини тамомлайди, университетда ўқиш мобайнида ҳарбий факултетни ҳам тамомлаб, “заҳирадаги лейтенант” унвонига ҳам эришади, у университетни қизил дипломга битириб, шу йили Вконтакте ижтимоий тармоғини яратади.
Университетда ўқиш мобайнида у, иккита интернет проект яратади, иккалови ҳам ўзининг университети(СПбГУ) ва Россиянинг бошқа университетлари ўртасида реферат ва идеяларни алмашиш имконини берадиган проект эди.
Дуровнинг ўртоғи унга facebook ижтимоий тармоғини кўрсатади ва ундан руҳланган Павел, Россияликлар учун facebook’га ўхшаган ижтимоий тармоқ яратишга киришади, бу проектни дастлаб у Student.ru деб номламоқчи бўлади, кейин Вконтактe номига ўзгартиради ( ҳар бир талаба барибир ўқишни битиради, яъни талабалик мақомидан чиқади деб ўзгартиради). Вконакте яратилгандан сўнг (2006 йил 1 октябрь), бу сайт фақат барча университет талабаларининг анкеталарини сақлаш учун маълумотлар базаси сифатида иш бошлаган, кейинчалик ижтимоий тармоқ сифатида ривожланиб кетган.
Бу проект устидан жуда кўп шикоятлар бўлган, суд бир неча бор иш олиб борган, бунинг сабаби, авторлик хуқуқидир яъни, сайт контенти ўғирланганлик.
Павел Дуров, дастурлашга оид хар ҳил чемпионатларда, россиялик талабалар гуруҳларини қўллаб-қувватлаб, молиялаштириб келмоқда.
Қизиқ маълумот, Дуров 7 ёшигача «Р» ҳарфини айта олмаган экан.
Павел вегетеран ҳисобланади. Ундан ташқари алкоголь ичимликлардан, қимматбаҳо уйлардан, автомашиналардан йироқда юрар экан. Ишга ҳам метрода борар экан, лекин саёҳат қилишни канда қилмас экан.
Ўзининг кумири сифатида Дуров Apple асосчиси Стив Жобсни билар экан.
Павел 2011 йил, россиялик миллиардерлар рўйхатида 7.9 миллиард билан 350 ўринни эгаллаган.
2012 йил Digital Life Design конференциясида Павел Дуров Википедия он-лайн энциклопедияси учун 1 миллион доллардан воз кечади.
2012 йил 19 ноябрда “Mann, Ivanov va Ferber” нашрёти Николай Кононованинг “Код Дурова” деб номланган китобини чиқарди. Бу китоб Вконтакте ижтимоий тармоғининг асосчиси Павел Дуровга бағишланган бўлиб, хужжатлар ва интервюлар асосида ёзилган.
AR Films компанияси, продюссер Александр Роднянск бошчилигида, юқоридаги китобни кино кўринишида намоён қилиш рухсатини олди ва бу кино 2014 йилда оммага тақдим этилиши кўзда тутилган.
2013 йил Дуров “Digital Forest” компаниясига асос солади ва шу компания Телеграм мессенжерини оммага тақдим этади.