ТЕСТ: Samsung’нинг энг қиммат, энг зўр флагмани iPhone X ва OnePlus 6’гаям бас келолмади!

  •   DiMaX
  •  3666
  •  11.08.2018 14:50

ТЕСТ: Samsung’нинг энг қиммат, энг зўр флагмани iPhone X ва OnePlus 6’гаям бас келолмади!

Жанубий кореялик техногигант яқинда ўзининг Galaxy Note 9 фаблетини тақдим этганди. Ушбу қурилма айни дамда Samsung компаниясининг энг илғор флагмани ҳисобланади.

ЎҚИНГ: Galaxy Note 9 тақдим қилинди: Samsung'нинг энг кучли ва қиммат смартфони

Tom’s Guide нашри таҳририяти аллақачон ушбу Samsung Galaxy Note 9 смартфонини олиб, уни Geekbench 4 ҳамда 3DMark Slingshot Extreme 3.1 сервисларида текшириб кўришди. Янги девайсни айни дамда бозорда энг илғор бўлган бошқа флагманлар билан таққослашди.

Тестдан ўтказилган фаблет якка кристалли Snapdragon 845 платформасига ҳамда 6 ГБ тезкор хотирага эга. Афсуски, самарадорлик имтиҳонларида у кўпчилик кутганидек юксак натижа намоён этмади.

ЎҚИНГ: Жаҳоннинг энг кучли смартфонлари, уларнинг нархи (2018 йил, август)

Хулласи калом, Samsung Galaxy Note 9 процессорнинг самарадорлигини ўлчовчи Geekbench 4 сервисида iPhone X ҳамда OnePlus 6 флагманларидан паст кўрсаткичга эришди. Тўғри, ўзининг аввалги «аждод»и – Galaxy Note 8 моделига нисбатан унинг самарадорлиги  35 фоизга ошган.

3D Mark Slingshot Extreme 3.1 сервиси эса қурилмалардаги график тизим самарадорлигини баҳолашга мўлжалланган. Ушбу синовда ҳам Galaxy Note 9 барибир учинчи ўринни олди, етакчи эса – OnePlus 6.

Таъкидлаб ўтиш ўринлики, синтетик тестларнинг натижалари девайсларнинг кундалик фойдаланишдаги ишлашидаги реал ҳолатдан фарқ қилиши мумкин. Лекин нима бўлганда ҳам, iPhone X салкам бир йил аввалги модел эканини, OnePlus 6 анча арзон туришини ҳисобга олсак, Galaxy Note 9 кўрсаткичлари барибир яхши эмас.

ЎҚИНГ: "Малика"дан iPhone X ўрнига олиш мумкин бўлган 5 та арзон смартфон

Сайт янгиликларидан доимий хабардор бўлиш учун Телеграм каналимизга қўшилинг!