Технология компанияларининг 1 апрель ҳазиллари
1 апрель бутун дунёда ҳазил-мутойиба куни саналади. Бундай ўзига хос имкониятдан, албатта, технология дунёси вакиллари ҳам унумли фойдаланиб, ўз фойдаланувчилари ва харидорлари кўнглини кўтаришга ҳаракат қилади. Hi-Tech Mail.Ru сайти 2016 йилги ана шундай ўзига хос ҳажвий “чиқишлар”ни тўплади.
Жозибали Mail.Ru
Mail.Ru нинг асосий саҳифасига кирган фойдаланувчининг кайфияти кўтарилгани аниқ. Дастурчилар улар учун ажойиб сюрприз тайёрлашди. Ўз почта манзилингизни киритадиган чап томондаги бўлимнинг юқорисида сизга тескари равишда қараб турган мушукчани топинг ва уни босинг. Шунда сизнинг саҳифангиз экранини ажойиб ҳайвончалар тасвири босиб кетади.
Samsung ва супершимлар
Кореянинг Samsung компанияси ўзининг ажойиб гажети ҳақида маълум қилди. Ғаройиб шимларнинг ўзига хос функциялари мавжуд:
- Антиқа йирмоч. Бордию у кутилмаган ечилиб кетса, смартфонингизга бу ҳақида маълумот жўнатилади.
- Ўтириш учун жойни эслатиш. Бундан махсус сенсорлар қўлланилган. Шимдаги ўзига хос электрошок зарбаси туришингизга кўмаклашади. 🙂
- Энг асосийси – «Музлатгич йўқ!» функцияси. Қорин катталашиб, шим сиғмай қолса, суперзамонавий ARTIK чипи музлаткичга эшигини ёпиб қўйиш ҳақида сигнал юборади. 😉
Мўъжизавий қўлқоп
Samsung антиқа шимлар билан чекланмади. Шунингдек, биринчи апрель куни компания эгилувчан экранли, бир неча сенсорли ва кенг кўламда ишлатиш мумкин бўлган қўлқопларни тақдим қилди. Унда қўнғироқдан тортиб, суюқликни аниқлашдек функциялар ҳам мавжуд. Қўнғироқни якунлаш учун бир неча ҳаракатларни кўрсатиш лозим ва қурилма буни яхши эслаб қолади.
Чебурашкофон
Samsung компанияси Кулгу кунига обдон ҳозирлик кўрди. Бренд Samsung Galaxy S7 флагменини чебурашка билан уйғунлаштирди.
Google арзонлаштиришга қарор қилди
Виртуаль воқелик – анчагина қиммат. Бундай қиммат матохларни олишга ҳамманинг ҳам қурби етмаслиги мумкин. Буни инобатга олган компания пластик ва оддий картондан ишланган кўзойнакларни намойиш этди. У жуда табиий ва оддий кўрсатади. Компания бу янги қурилма учун ўзига 20 очкодан йигирма очко қўйди.
Рэпер билан видео кўр!
YouTube видеохостинги фойдаланувчиларига янги режимда видео томоша қилиш имконини берди. Дастурчилар таниқли рэпер Снуп Дог иштирокида 360 градус серияли ролик тайёрлади.
Энди сиз энг машҳур видеотасвирларни рэпернинг муносабатлари билан кўришингиз мумкин. Бунинг учун фойдаланувчининг профилидаги рамзга тегинишингиз керак бўлади.
Жейсон Стэтхэмнинг 33 образи
LG G5 флагманенинг 1 апрелда намойиш қилинган реклама ролиги барчани ўзига қаратди. Машҳур актёр Жейсон Стэтхэм деярли барча персонажларни ўзи ижро этган. Бир актёр театри, дейиш мумкин.
Tech Mail.Ru сайти манбалари асосида тайёрланди.
