Тезкор хотираси 6 ГБ ли смартфон
Хитойнинг LeTV компанияси LeTV Max фаблетидан сўнг янги версиясини ишлаб чиқаришни режалаштирмоқда. Янги смартфоннинг экрани 5,7 дюймли. Экран сиғими 1440×2560. 23 мегапикселли камераси бор. Автофокуслаш тезлиги 0,1 сониягача. Корпуси шишадан ишланади. Аммо энг қизиғи смартфоннинг ички аппарати бўлиб, ишлаб чиқарувчилар Qualcomm Snapdragon 820 ни қўллаган ҳолда телефонга 6 ГБ ли тезкор хотира ўрнатишмоқчи.
Ҳозирги кунда фақат Samsung Galaxy S7 да бундай тезкор оператив хотира борлиги қулоққа чалинган. LeTV Max 2 ни 2016 йилнинг биринчи кварталига ишлаб чиқариш мўлжалланмоқда. Жанубий Кореянинг довруғи достон смартфони ҳам айни ўша муддатда сотувга чиқарилиши кутилмоқда.
Эслатиб ўтамиз: бундан олдинги LeTV Max смартфони баҳорда тақдим этилган бўлиб, экрани 6,33 дюйм, экран сиғими 2560х1440, Qualcomm Snapdragon 810 саккиз ядроли 64-битли процессорга эга, тезкор хотираси 4 ГБ. 21 мегапикселли камераси бор. Иккита сим-карта жойлашади. Бармоқ изини сканерлаш функцияси мавжуд бўлиб, бу телефон нархи 599 АҚШ доллари туради. Албатта келгуси версиясининг нархи баландроқ бўлиши тайин.