Топ-10: февраль бошида дунё бўйлаб энг оммалашган смартфонлар
Жорий ойнинг сўнгига бориб – MWC 2018 кўргазмасида кўплаб смартфонлар тақдим этилиши кутилмоқда. GSMArena ресурси эса айни кунларда бутун дунё аҳли энг қизиқаётган мобил телефонлар рейтингини эълон қилди.
ЎҚИНГ: 2018 йил бошида энг оммалашган 10 смартфон
Мазкур рўйхатга кирган девайсларни жаҳоннинг турли бурчакларидан интернет орқали энг кўп суриштиришади. Рейтингга аллақачон бозорга чиқарилган смартфонлар ҳам, ҳали тақдим этилмаган моделлар ҳам кирган.
Мутахассислар тақдим этган маълумотга кўра, 2018 йил февралининг бошида энг кўп қизиқишларга сабаб бўлган смартфон – ҳали расман намойиш этилмаган Xiaomi Redmi Note 5 модели экан. Йилнинг бошидаги оммабоп смартфонлар рейтингида у иккинчи поғонани эгаллаб турган эди.
ЎҚИНГ: Ҳайратомуз Redmi Note 5 сотувга тайёр
Xiaomi компанияси иккинчи поғонани ҳам «бегона қилмаган» – унинг Mi A1 смартфони ўтган галги рейтинг етакчиси бўлса, бу сафар Redmi Note 5 модели билан ўрин алмашган. Гарчи прошивкасининг янгиланиши билан боғлиқ муаммолар кўп учраётган эса-да, «тоза» Android операцион тизимига эга бўлган ушбу смартфонга барибир кўпчилик қизиқмоқда.
ЎҚИНГ: Миллионлаб Xiaomi смартфонлари эгаларининг яна омади келмади
Учинчи ва тўртинчи ўринлар Samsung маҳсулотларига насиб этган – тегишлича Galaxy J7 Pro ҳамда бир ой аввал бозорга тақдим этилган Galaxy A8 (2018) моделлари.
ЎҚИНГ: Ромсиз Galaxy A8 ва A8+ (2018) сотувга чиқарилди
Жаҳон бўйлаб энг кутилаётган флагман – Samsung Galaxy S9 эса кучли бешталикни якунлаб берган. Тақдимот маросими 25 февралга белгиланган ушбу смартфон мисли кўрилмаган технологик ечимларга эга бўлиши айтилмоқда.
ЎҚИНГ: Galaxy S9 юзни таниш технологияси – Intelligent Scan билан танишинг! (видео)
Рейтингнинг олтинчи поғонасини эса... яна ўша Xiaomi ишланмаси банд этган – Redmi 5 Plus модели. Бу смартфон Ўзбекистон бозорларида ҳам катта талаб билан харид қилинмоқда.
ЎҚИНГ: Xiaomi Redmi 5 ва Redmi 5 Plus смартфонларини қулай нархларда олинг!
Хитойликлар еттинчи ўринни ҳам қўлдан чиқаришмаган – Oppo F5 гаджети. Бу модел 20 мегапикселли олд камераси билан селфи ишқибозлари орасида жуда оммалашган.
ЎҚИНГ: 20 Мп селфи-камерали Oppo F5 тақдим қилинди. Илк селфилар олишга ҳам улгуришди.
Февралнинг бошида оммалашган смартфонлар рўйхатининг саккизинчи ва ўнинчи қаторларини ҳам Samsung телефонлари эгаллаган – тегишлича Galaxy A8+ (2018) девайси ҳамда Galaxy S8 флагмани. Улар орасидаги тўққизинчи ўринни эса Xiaomi’нинг энг арзон смартфони – Redmi 5A банд этган.
ЎҚИНГ: Galaxy A8+ ёки OnePlus 5T: қай бирини олсам экан?
Таъкидлаш керакки, мазкур рўйхатда тилга олинган ва ҳозирда сотувда бўлган моделларнинг аксарияти Ўзбекистон смартфон бозорларида ҳам топилади. Бундан ташқари, смартфон, планшет ёки бошқа электротехника товарларини онлайн харид қилиш мумкин.
ЎҚИНГ: AliExpress’даги товарларга «Terabayt.uz» орқали буюртма беринг!
