Тошкент автобусларида бепул Wi-Fi пайдо бўлди

Тошкент автобусларида бепул Wi-Fi пайдо бўлди

Тошкент шаҳрида ҳаракатланувчи 3 та йўналишли автобусда Wi-Fi Bus лойиҳаси доирасида бепул Wi-Fi ишга туширилди. Бу ҳақда “Тошшаҳартрансхизмат” матбуот хизмати хабар берди.

Эндиликда бепул Wi-Fi'дан 2-сонли, 38-сонли ва 72-сонли автобус йўловчилари фойдаланишлари мумкин. Унга қандай уланади?

Исталган мобиль қурилма ёрдамида Uzmobile-Wi-Fi тармоғидан кириш мумкин бўлган Wi-Fi'ни танлаб, 9432 (Uzmobile абонентлари учун) қисқа рақамига ёки +99895 146-94-34 (бошқа мобиль операторлар абонентлари учун) рақамига хоҳлаган бирор белгини  SMS тарзида юбориш керак.

Интернет тезлиги қанча бўлиши маълум эмас.

“Тошшаҳартрансхизмат” хабарида қайд этилишича, фойдаланувчиларда бепул Wi-Fi орқали фақатгина Ziyonet.uz порталига кириш имконияти бор.

Йил сўнггига қадар яна 50 та йўналишли автобусларда бепул интернет тармоғини жорий этиш режалаштирилган.

Terabayt.uz сайтининг видеолари: Youtube'даги каналимизда!

Саид Мамуров

Terabayt.uz'нинг энг меҳнаткаш ходимларидан. Севимли машғулоти интернет титиб, ахборот технологияларига оид энг сўнгги хабарларни мутолаа қилиш. Бу орада уларнинг ичидан яхшиларини териб олиб, сизларга ҳавола қилиб туради.