Ucell «Дунё бўйлаб» акциясининг якуний ўйинини ўтказди

  •   DiMaX
  •  1027
  •  28.01.2017 12:43

Ucell «Дунё бўйлаб» акциясининг якуний ўйинини ўтказди

Ўзбекистон бозорида биринчи бўлиб Самарқанд, Бухоро, Навоий ҳудудларида бугунги кунда энг кенг қамровли 4G/LTE тармоғини ишга туширган Ucell Компанияси мобиль интернет фойдаланувчиларини рағбатлантириш ва қизиқтириш учун махсус акциялар ўтказиб келмоқда.

Компаниянинг шундай ташаббусларидан бири «Дунё бўйлаб» интернет-акцияси бўлди. У 2016 йилнинг 20 октябрида йўлга қўйилган бўлиб, 2017 йилнинг 20 январигача давом этди. Акция Ucell абонентлари – мобиль интернет фойдаланувчиларига дунёнинг Малайзия, Таиланд, Бирлашган Араб Амирликлари ва Индонезия каби жаннатмонанд гўшаларидан бирига саёҳат қилиш имкониятини тақдим этди.

Акция шартларига кўра, имкониятлар Интернетга сарфланган (Интернет хизматлари учун абонент тўлови ҳам инобатга олинган ҳолда) ҳар $1 учун тақдим этилди. Акция доирасидаги 27 январда бўлиб ўтган якуний ютуқлар ўйинида Ucell совринларининг бахтли соҳиблари аниқланди. Тадбир Тошкентнинг оммабоп масканларидан бирида бўлиб ўтди.

Ucell компанияси ходими Собир Мухамедов бу ҳақда шундай дейди: «Ucell Компанияси бу пайтгача ҳам ўз абонентларини мобиль интернетдан фойдаланишга қизиқтирувчи бир нечта акция ўтказган. Уларда соврин сифатида УЕФА Чемпионлар лигасига, шунингдек, Малайзиядаги Формула–1 Гран-присига йўлланма тақдим этилган. Тажрибаларнинг кўрсатишича, бу каби акциялар мижозларимизга маъқул келиб, жуда оммалашади. Смартфонлардан фойдаланиш даражасининг ошганлиги ва интернет-қамровнинг кенгайганлиги сабабли мамлакатимизнинг янада кўпроқ аҳолиси интернетдаги мулоқотни нафақат фойдали, балки ёқимли ҳам қилиш имкониятига эга бўлмоқда. Акция ғолибларини табриклаймиз ва сайёрамизнинг жаннатмонанд гўшаларидан бирида ўз вақтларини мароқли ўтказишларини тилаймиз».

Бу кунги совринлар Акция бошланганидан то 2016 йилнинг 20 ноябригача, 20 декабригача, шунингдек 2017 йилнинг 20 январигача бўлган босқичларда имкониятларни қўлга киритган иштирокчилар учун ўйналди. Яъни, бош совринларнинг соҳиблари уч нафар энг фаол мобиль интернет фойдаланувчилари бўлишди. Улар Таиланд, Малайзия ва БААга сайёҳлик йўлланмаларини ютиб олишди. Бу йўлланмаларнинг ҳар бири икки кишиликдир.

Исмини ошкор этишни истамаган акция совриндори ўз ҳаяжони ва қувончини биз билан баҳам кўрди: «Очиғини айтганда, мен ғолиб бўлишимни кутмагандим. Талабгорлар кўп эди, шу боис ҳам айнан менга омад кулиб боққанидан жуда хурсандман. Дунёнинг оммабоп сайёҳлик масканларидан бирида ҳордиқ чиқаришни анчадан бери орзу қилардим, аммо бу орзум Ucell компанияси шарофати билан амалга ошишини ҳеч ўйлаб кўрмаган эканман. Мобиль интернетдан мен кўп фойдаланаман – иш учун ҳам, кундалик мулоқотлар учун ҳам. Бирорта кунимни ҳам Telegram орқали хабарлашмасдан, ёки бўлмаса сайтлардан янгиликларни ўқимасдан ўтказишни тасаввур қила олмайман. Мен Ucellдан жуда миннатдорман, компания икки кишилик йўлланма ҳадя этди, бу эса шуни англатадики, мазкур саёҳат умр йўлдошим учун ҳам ажойиб совға бўлади».

Акциянинг  бошқа иштирокчилари ҳам эътибордан четда қолишмади. Якуний ўйин натижаларига кўра улар Компаниядан қимматбаҳо совғалар олишди. Бу – Samsung Galaxy S7 EDGE, Samsung Galaxy S7, Samsung Galaxy Note 5, шунингдек Galaxy A7 2016 смартфонларидир.

Шунингдек, тадбир доирасида ташкил этилган фуршет ҳамда турли қизиқарли тезкор ўйинлар, ҳазилнамо савол-жавоблар, эсдалик совғалари ҳам меҳмонларнинг кўнглини хушнуд этди.

Сайтимизнинг энг чиройли расмларини Инстаграмдаги саҳифамизда томоша қилинг!